ПРОЕКТ ДЕТАЛИ

Како основна цел за изработка на овој проект се јавува потребата за редизајнирање на концепт на поставеност и уредување на зелена површина што подразбира обновување на природното зеленило (ниско и високо), нова урбана опрема (клупи, корпи за отпад, соларни канделабри), ново детско игралиште, обновување на вежбалиштето на отворено како и обновување на постоечките спортски терени за мал фудбал, кошарка и одбојка. Со ова ќе се добие достојно место за одмор, социјализација и рекреација на локацијата. Покрај поставувањето на урбаната опрема и обновување на зеленилото, да се обноват и редизајнираат пешачките пристапи, така што ќе бидат поплочени со павер елементи, а како нова содржина да се додадат фонтана за вода за пиење и вештачко езерце со водоскоци со што ќе се подобрат условите за рационално користење на просторот и содржините.