ПРОЕКТ ДЕТАЛИ

Градскиот рекреативен парк како Забавен Спортско рекреативен центар се предвидува на локација со површина од околу 4 хектари покрај течението на Радовишка река, во горниот тек на реката, надвор од градежен реон. Локацијата на која се предвидува изведбата на паркот е на оддалеченост од околу 700 м. Од уредениот дел на градот поради што е потребно да се предвиди и комплетна техничка документација за регулација на речното корито и пристапни улици до самиот парк. Потребно е да се изготви Урбанистичко планска документација за градежна парцела со намена Д3, изработка на ревидиран Основен проект, изработка на Урбанистички проект за инфраструктура со планска програма и стручна ревизија, изработка на ревидиран Основен проект за регулација на речно корито со сите потребни Елаборати за одобрување на истиот, изработка на основен проект за пристапни улици, изработка на Основен проект за измени во тек на градба со целата пропратна документација, изработка на ревидиран сообраќаен проект, изработка на Геодетски елаборат за ажурирани геодетски подлоги за потребите на проектната документација. При спроведување на проектот ќе бидат создадени можности за развој на локалниот и регионален потенцијал како природен така и изразен во развој на човечки потенцијал, нешто со што општината се соочува како голем недостиг. Процентот на изразено во вкупно население се однесува на вкупната бројка на локалното население на општина Радовиш, населението на регионот, населението на прекуграничниот регион како и населението на нашата држава кои се сите потенцијални корисници и изразено во проценти е околу 70%.