ПРОЕКТ ДЕТАЛИ

Според националната класификација на дејности, претпријатието Рудплан ДООЕЛ припаѓа во дејноста „Инженерство и со него поврзано техничко советување“. Рудплан ДООЕЛ е консултантско-инженерска компанија која обезбедува услуги во секторите на рударството, подготовката на минералните суровини, геологијата, заштитата на животната средина и безбедноста и здравјето при работа. Техничките услуги на Рудплан ДООЕЛ опфаќаат подготовка на студии (концептуални студии, физибилити студии и детални извештаи), базичен и детален инженеринг, управување со проекти и со изградба на рудници и каменоломи, консултации за набавки поврзани со рудничките операции, надзор при пуштање во употреба на рудничките операции и советодавна помош при изведувањето на самите руднички операции, проектирање на рудници, планови за управување со отпад од минерални суровини, планови за затворање на рудници и планови за управување со животната средина. Компанијата, исто така, обезбедува и услуги за стручни преводи на техничка литература од англиски на македонски јазик и обратно. Рудплан ДООЕЛ обезбедува технички услуги ширум земјата опфаќајќи ја целата територија на Македонија. Компанијата може да обезбеди експертиза на македонски и англиски јазик, и, доколку е потребно, може да обезбеди експертиза и на други јазици. Најголем дел од приходите се генерираат од услугите за изработка на проекти и студии за рударството, геологијата, животната средина и безбедноста и здравјето при работа. Дел од приходите се генерираат од услугата за надзор и советодавна помош при изведувањето на рудничките операции. Структурата на приходите според пазарната застапеност е следната: 100 % од приходите се генерираат од продажба на услуги на домашниот пазар.