ПРОЕКТ ДЕТАЛИ

Проектот е во суштина регионален проект без оглед што поставеноста на пазарот е на една локација. Тоа ќе биде место каде производителите на добра (посебно од руралните средини) од целиот регион и пошироко ќе можат да ги изложуваат своите производи на граѓаните од регионот не само од општина Лозово (посебно што низ Лозово поминува и регионалниот пат кон Источниот плански регион). Традиционално во Македонија граѓаните од други градови ги посетуваат пазарите во одредени денови во соседни општинии или општини кои им се блиску за да набават производи кои се уникатни, поквалитетни, и најважно поефтини. Токму затоа проекциите за бројот на продавачи и купувачи е базиран на висок процент на граѓани од целиот ВПР како и од соседните региони, посебно Скопскиот и Источниот. Потенцијалите на објектот се големи и од аспект на позитивно влијание врз квалитетот на живот на сите засегнати граѓани но, и младите затоа што младите се водат пред се од висок квалитет на живот но и содржини и можности кои им се нудат. Пазарот со модерен деловен центар би значело одлично место кое ќе служи како пример за високи стандарди во сите области и кое ќе нуди мотив кај младите да се реализираат во сопствената држава. Исто така овој објект ќе понуди и нови работни места кои исто така директно влијаат на зголемувањето на потрошувачката моќ на граѓаните и подигнување на квалитетот на живот.