ПРОЕКТ ДЕТАЛИ

Изградба на локален пат с.Герман , Општина Ранковце L= 886,74 m е приоритетен предлог проект за општината и планинско село Герман кое се протега на н.в. од 1160-1300 м од разбиен маалски тип . Моменталната состојба е постоечки земјан локален пат кој поради релјефниот карактер на терено е изложен на многу чести оштетувања од поројни дождови и снегови. Селото во периодот од ноември до април многу често поради наноси односно навеви од снег во неколку усеци на регионален пат е отсечено од цивилизацијата и ризично за пристап и егзистенција , поради што е неопходно да се изгради овој локален пат за континуиран пристап до селото , бидејки теренот е со поинаква релјефна структура и ке овозможи континуиран пристап во текот на целата година . Реализацијата на проектот има дирекно и витално влијание на сите жители (од сите целни групи ) на с.Герман (311 жители со постојано место на живење -по пописот од 2002 година ) , 16 ученика од I – IX кои учат во ПОУ во селото и 10 наставници и помошен персонал како и средношколци кои настава посетуват во соседните урбани општини . Голем број индирекни корисници кои имат викендици во оваа планинско погранично место и собирачи на шумски плодови околу 30 % од локалното население на општина Ранковце и голем број посетители и случајни минувачи (планинско рекреативен туризам ) Резултат од спроведувањето се подобар квалитет на живот , побезбеден и континуиран пристап до селото , со намалување на диспаритетот меѓу урбаните и руралните средини , развој на модерна инфраструктура и економски раст во руралните средини