ПРОЕКТ ДЕТАЛИ

Моменталната состојба на патиштата кои се предложени за припрема на техничка документација во овој проект не ги задоволува потребите за нормално и безбедно одвивање на сообраќајот поради руинираноста на коловозната конструкција од долгиот период на експлоатација и надворешни влијанија, и истовремено на дел од постојните улици се создава голем метеж во туристичката сезона. Со проектот се предвидува да се изготви техничка документација (инфраструктурен и основен проект) за повеќе патни правци на територијата на шест општини од Југозападниот регион. Изработка на техничка документација – инфраструктурен и основен проект со ревизија треба да се направи за следниве патни правци: 1. Општина Струга Основен проект за изградба на собирна улица „ТУРИСТИЧКА “ од спој со улица „ИСТОЧНО КОЛЕКТОРСКА“ до кружна крстосница од ТИРЗ зона кај река Сатеска во Општина СТРУГА со должина од 3 500,00 метри. Вкупната ширина на улицата е 29,50 метри од кои: два тротоари со ширина од по 2,00 м, две ивични разделни ленти со ширина од по 2,25 м, две велосипедски ленти со ширина од по 1,50 м, два коловози со вкупно четири коловозни ленти со ширина по 3,50 м, и средна разделна лента со ширина од 4,00 м. Собирната улица „ТУРИСТИЧКА“се вкрстува со две постојни улици и две новопроектирани улици. Вкрстувањето помеѓу Собирната улица „ТУРИСТИЧКА“ и собирната улица кај “ЕУРО ХОТЕЛ” треба да се реши со кружна крстосница а вкрстувањето со другите постојни и планирани улици да се реши со четворокраки крстосници и трасата на собирната улица „ТУРИСТИЧКА“ да се води според деталниот урбанистички план, генералниот урбанистички план и државната урбанистичка планска документација за ТИРЗ-Струга. (Прилог – Проектна задача за собирна улица Туристичка). 2. Општина Охрид 2.1 Изработка на техничка документација за пат што води до црква Св. Атанасија – Охрид, во должина од 1460,00 м, ширина на коловозни ленти 3,00 м, банкина 2*0,50 м, (Прилог – Проектна задача); 2.2 Изработка на основен проект за пешачка патека од „Саат Кула„ до „ Горна Порта„, со просечна ширина од 2,50 метри и должина од 550,00 метри. Во проектирањето треба да се предвиди и осветлување кое ќе биеде автентично за овој дел од градот Охрид и истото би се вклопило со веќе постојното улично осветлување. (Прилог – Проектна задача). 3. Општина Македонски Брод 3.1 Изработка на Основен и инфраструктурен проект за изградба на локален пат од с. Брезница до с. Тажево со должина од 5030,00 метри, ширина на коловозот од 3,5 м и од двете страни да има банкина од по 0,50 м. Одводнувањето на коловозот да се врши преку попречните наклони, подолжните наклони, канафките и пропустите. Коловозната конструкција на оваа делница е релативно добра, изработена е од природен тампонски материјал. Косините на ископите се стабилизирани и нема знаци за нивно попуштање.Трасата да се води и прилагоди према постојната траса. Изработка на Инфраструктурен проект - за изградба на локален пат од од с. Брезница до с.Тажево во должина од 5030,00 м во општина Македонски Брод е да се овозможи реална организација на просторот кој ќе доведе до оптимална реализација на проектот согласно ажурираната геодетска подлога, законските и подзаконските акти кои ја регулираат оваа материја. При тоа треба да се почитува сопственоста на постојните парцели и функционалната целина на просторот, со вградување на оптимални параметри за реализација на градбата, оптимални решенија на инфраструктурата, создавајќи реални услови за реализација на линиска инфраструктурна градба. Изведбата на патот ќе придонесе за поквалитетно поврзување и побезбедно одвивање на сообраќајот во општината Македонски Брод. (Прилог – Проектна задача). 3.2 Изработка на Основен и Инфраструктурен проект за изградба на локален пат од с.Модриште до с.Вир во општина Македонски Брод. Локалниот пат за кој треба да се изработи техничка документација треба да е со ширина на коловозот од 3,50 м, должина од 5575,00 м и од двете страни да има банкина од по 0,50 м. Одводнувањето на коловозот да се врши преку попречните наклони, подолжните наклони, канафките и пропустите. Коловозната конструкција на оваа делница е релативно добра, изработена е од природен тампонски материјал. Косините на ископите се стабилизирани и нема знаци за нивно попуштање. Трасата да се води и прилагоди према постојната траса. Инфраструктурниот проект треба да овозможи реална организација на просторот кој ќе доведе до оптимална реализација на проектот согласно ажурираната геодетска подлога, законските и подзаконските акти кои ја регулираат оваа материја. При тоа треба да се почитува сопственоста на постојните парцели и функционалната целина на просторот, со вградување на оптимални параметри за реализација на градбата, оптимални решенија на инфраструктурата, создавајќи реални услови за реализација на линиска инфраструктурна градба при изградба на локален пат од с. Модриште до с.Вир во должина од 5575,00 м во општина Македонски Брод. Изведбата на патот ќе придонесе за поквалитетно поврзување и побезбедно одвивање на сообраќајот во општината Македонски Брод. (Прилог – Проектна задача). 4. Општина Дебрца 4.1 Изработка на Инфраструктурен и Основен проект за реконструкција на улицa во с.Волино,општина Дебрца. Улицата е со ширина на коловозот од 4,00 м и од двете страни има тротоар со променлива ширина према условите на теренот. Вкупната должина на улицата е 1000,00 м и треба да се изврши орапавување на асфалтот и негова надградба. Трасата да се води и прилагоди према постојната траса. (Прилог – Проектна задача) 4.2 Изработка на Инфраструктурен и Основен проект за реконструкција на локален пат од село Ботун до Манастир Св. Богородица и Црква Св. Богородица, Општина Дебрца. Локалниот пат е со должина од 2000,00 метри, ширина на коловозот од 4,00 м и од двете страни треба да има банкина од по 0,50 м. Одводнувањето на коловозот да се врши преку попречните наклони, подолжните наклони, канафките и пропустите. Коловозната конструкција на оваа делница е релативно добра, изработена е дел од природен тампонски материјал, а дел е асфалтирана. Косините на ископите се стабилизирани и нема знаци за нивно попуштање.Трасата да се води и прилагоди према постојната траса. (Прилог – Проектна задача) 5. Општина Дебар 5.1 Основен проект за улици во село Бањиште Изработка на инвестиционо-техничка документација - Основен проект за улици во село Бањиште, Општина Дебар во должина од 950 метри. Проектните елементи се во согласност со рангот на патот, класата на теренот и меродавниот сообраќај. При изработка на инвестиционо-техничката документација за изградба на селски патишта за БАЊИШТЕ треба да се имаат во предвид следниве проектни елементи: - Терен планински - Хоризонталното решение на улиците да се предвиди по постојните стази на самиот терен со тоа што одделни места каде што ширината е мала се врши проширување на истите. - Габаритот на улиците се предвидува со широчина од 3,00 м коловоз и 2 х 1,00 м банкини. На деловите каде нема доволна широчина за полн профил од 5 м да се намали широчината на банкината. Исто така на деловите каде што ќе се предвидат канавките за одводнување истите да се изведуваат во банкините. На останатиот дел канавките за одводнување да бидат предвидени од бетон, лиен на лице место а според потреба на одредни места и за премин со цевки мин. ф 250мм. (Прилог – Проектна задача). 5.2 Изработка на Основен проект за реконструкција на улици во село Долно Косоврасти Основен проект за реконструкција на улици во село Долно Косоврасти , општина Дебар во должина од 800,00 м. Проектните елементи да се во согласност со рангот на патот, класата на теренот и меродавните возила. При изработка на инвестиционо-техничката документација за изградба на селски пат с. Долно Косоврасти да се имаат во предвид следниве проектни елементи: - Терен планински - Хоризонталното решение на улиците да се предвиди по постојните стази на самиот терен со тоа што одделни места каде што ширината е мала се врши проширување на истите. - Габаритот на улиците се предвидува со широчина од 3,50 м коловоз и 2 х 1,00 м банкини. На деловите каде нема доволна широчина за полн профил од 5.50 м да се намали широчината на банкината. Исо така на деловите каде што ќе се предвидат канавките за одводнување истите да се изведуваат во банкините. На останатиот дел канавките за одводнување да бидат предвидени од бетон, лиен на лице место а според потреба на одредни места и за премин со цевки мин. ф 250мм. - Вертикалното решение да се прилагоди на постојниот терен, бидејќи теренот е планински и подолжните падови се поголеми од дозволените. Доколку се применуваат дозволените падови влезовите во куќите и дворовите ќе претрпат големи измени и нема да бидат во функција на нивното опслужување. (Прилог – Проектна задача). 5.3 Основен проект за улици во град Дебар Основен проект за улици во град Дебар. Со предложените улици треба да се овозможи подобар проток на сообраќајот во градот со што ќе се обезбедат подобри услови за безбеден, ефикасен градски сообраќај и пренасочување на транзитниот сообраќај од центарот на градот. 1. КРАК НА УЛ 8-МИ СЕПТЕМВРИ (од Објект на Полициска Станица до објект Џамија со сааткула со приклучување кон булевар ,,100,, ) со должина 298,00 м, профил на улица 10,00 м со ширина на коловоз 6,00 м и тротоари 2 х 2,00 м. По ДУП за дел од Блок 3 локалитет ,,А,, (Новопланирана улица ,,1'' со должина од 80,00 m и профил на улица 14,20 м со ширина на коловоз 6,00 м и тротоари 1х 1,50 + 1х5,70 м и новопланирана улица ,,2,, со должина 218,00 м и профил на улица 9,00 м со ширина на коловоз 6,00 м и тротоар 2х 1,50 м ). По ДУП за дел од блок 3 локалитет ,,А,, - Дебар. 2. КРАК НА УЛИЦА 205 - ( врска на населбите Венец 1 ул. ,,Зија Мерсовски,, и населба ,,Венец 2,, улица ,,205,, ) должина 150,00 м, ширина на профил на улица 11,00 метри со коловоз 7,00 м и тротоари 2х 2,00 м. По ДУП за дел од блок 12,13 и 14 . (Прилог – Проектна задача). 6. Општина Вевчани 6.1 Изработка на Основен проект за реконструкција на пристапна улица „ ШОПЕВ МОСТ – ЗДРАВСТВЕН ДОМ “, општина Вевчани Локалната улица за која треба да се изработи техничка документација треба да е со должина од 650,00 м, ширина на коловозот од 5,50 м и банкини по потреба спрема расположливиот простор. 6.2 Изработка на Основен проект за реконструкција на сервисна улица „ТРАФО-ВАРВАРА“, општина Вевчани. Локалната улица за која треба да се изработи техничка документација треба да е со должина од 450,00 м, ширина на коловозот од 6,00 м и банкини по потреба спрема расположливиот простор 2 х 1,50 метри. 6.3 Изработка на Основен проект за реконструкција на локална улица „ЦЕНТАР – ВЕВЧАНСКИ ИЗВОРИ“, општина Вевчани. Локалната улица за која треба да се изработи техничка документација треба да е со должина од 450,00 м, ширина на коловозот од 5,50 м и банкини по потреба спрема расположливиот простор. 6.4 Изработка на Основен проект за изградба на локална улица „ЗЕЛЕН ПАЗАР – ЌИТАНВО ПЛЕВНЕ“, општина Вевчани. Локалната улица за која треба да се изработи техничка документација треба да е со должина од 550,00 м, ширина на коловозот од 5,50 м и банкини по потреба спрема расположливиот простор. За сите четири улици(6.1, 6.2, 6.3 и 6.4) треба во проектната документација, одводнувањето на улицата да се решава преку подолжните наклони, попречните наклони, и каналот. При проектирањето да се земат во предвид теренските услови и просторни ограничувања, односно да се запази опфатот- дефинираниот профил на постоечката локална улица. Исто така при проектирањето да се води сметка да се запазат постојните влезови и пристапи до градежните парцели по целата должина и постоечките отворени бетонски канали. Да се предвидат по целата должина дополнителни попречни канали со метални решетки за отстрануање на атмосферските води од улицата кон отворените бетонски канали во зависност од конфигурацијата на теренот, нагибот на улицата и подземните инсталации. Трасата да се води и прилагоди према постојната траса. (Прилог – Проектна задача за секоја улица во Вевчани). Проблеми кои треба да се надминат се однесуваат во сферата на патната инфраструктура, економскиот развој, подобрувањето на квалитетот на живот и зачувување на животната средина. Конкретни проблеми кои се очекува да се надминат се следниве: - Намалување на ризиците кои произлегуваат од лошата патна инфраструктура; - Пoдобрувањето на патната инфраструктура во регионот треба да овозможи пофункционално, поефикасно, побезбедно и помодерно одвивање на сообраќајот; можности за подем на стопанските активности и зголемување на бројот на вработени лица; - Заживување на локалната економија на големиот број населени места и запирање на процесот на миграција на населиенето кон поголемите урбани центри - Надминување на метежот во туристичката сезона, особено во најпосетените дестинации во Југозападниот регион - Охрид, Струга и Вевчани; - Проектот треба да ги зголемува можностите за економски раст во руралните средини преку развивање на руралниот и алтернативниот туризам; - Подобрување на патната инфраструктура која води до туристичките атракции; - Намалување на трошоците за гориво и одржување на возилата; - Намалување на емисиите на штетни гасови преку отворање на нови патишта и намалување на степенот на загаденост во урбаните центри поради скратување на патот што треба да го поминат моторните возила; - Поттикнување дејности за отворање на мали бизниси и развој на алтернативниот туризам. Проектот е дирекно насочен кон подобрување на патната инфраструктура во урбаните и во руралните средини. Со овој проект се предвидува изработка на техничка документација за реконструкција на постоечки патишта како и изградба на нови патишта кои придонесуваат кон регионално поврзување на населените места во Југозападниот регион.