ПРОЕКТ ДЕТАЛИ

ОПШТИНА СТРУГА - ЈОУДГ „8-ми Март“ - Самиот објект е со намена детска градинка, со две нивоа, приземје и во дел од објектот има подрум со кој нема топла врска со приземје. Конструктивниот систем на објектот е решен како армирано-бетонски скелетен систем, поставен на армирано-бетонски темелни ленти, во еден дел зајакнати со армирано-бетонски темелни самци, а се во соогласност со статичката пресметка и арматурните детаљи. Надворешните ѕидови на објектот се со дебелина од д=25цм, се изведени од керамички блокови со продолжен малтер, додека пак внатрешните преградни ѕидови се со различна дебелина (д=12, 25цм) и се предвидени да се издаваат исто така керамички блокови во продолжен малтер. Кровот е предвиден и решен како повеќеводен кров комбиниран како повеќеструка (еднострука и двострука) столица, поставен и решен на армирано- бетонска кровна плоча. ОПШТИНА ДЕБАР – За потребите на Општина Дебар треба да се санира кровот на спортската сала на основното училиште „Пенестиа“. Кровот на спортската сала е четвороводен а на помошните простории е едноводен и двоводен изведени од дрвена конструкција – дрвена столица. Над конструкцијата се изведени дрвени рогови на растојание 70цм до 90 цм. Кровниот покривач е од истрошени салонитни табли на повеќе места оштетени. Кровната конструкција е релативно добра но салонитниот покривач е во многу лоша состојба и треба да се промени. Делумно се оштетени хоризонталните и вертикалните олуци и громобранската трака. Исто така, треба да се предвиви и хидроизолација и термоизолација и обновување на хоризонталните и вертикалните олуци како и громобранската трака. ОПШТИНА ОХРИД – Основно училиште Св.Климент Охридски-Основната цел на оваа активност е намалување на потрошувачката на електрична и топлинска енергија преку замена на прозори и врати. Прозорците и вратите имат голема функција во секој објект. 10% од губитоците на топлината се остваруваат преку прозорците и вратите. Овие губитоци може да се редуцираат до минимум со замена на старите прозори и врати со нови, кои имаат подобрени карактеристики и помагаат во намалувањето на губитоци на топлина. Со новите прозорци и врати побрзо и полесно ќе се загрее просторот и значително ќе се намалат губитоците на топлина што се остваруваат преку прозорците и вратите. Моментално постојат голем број на видови на прозорци и врати со подобрени каратеристики. Освен топлинска изолација новите прозорци обезбедуваат и подобрена звучна изолација. Постојат прозорци кои се двојно и тројно застаклени со термоизолациско стакло, опшиени со дрвена, алуминиумска или пластична (PVC) рамка, со исполна помеѓу стаклата од инертен гас – аргон, кој има улога на изолатор. Ваквите прозорци и врати претставуваат термопакети кои обезбедуваат зголемена топлинска и звучна изолација и тие се енергетски ефикасни прозорци. Тие имаат голема отпорност спрема атмосферските влијанија и се долготрајни. Според техничките услови и стандарди во ЕУ, енергетски ефикасните прозорци се задолжителни во сите нови објекти. Во основниот проект се предвидени замена на стари прозори и врати вкупно 112 парчиња. ОПШТИНА ДЕБРЦА – Училишниот објект се наоѓа во село Мешеишта. Позициониран е во центарот на селото и до него води пристапен пат. Објектот е изграден на кос терен изведен од приземје и кат. Објектот е изведен од носиви ѕидови во камен 55-60цм, малтерисани од внатрешна страна. Подовите се дасчани поставени на набиена земја. Плафоните се изведени во малтер на трска. Кровната конструкција дрвена - двострука столица изведена со сите потребни кровни елементи и врски. Покривањето е со жлебаста керамида. Регистрирани се три оџаци во самите ѕидови од камен, кои во кровната партија се изведени од полна тула. Објектот нема хоризонтални и вертикални ослуци. Во училиштето, согледувајќи ги потребите и можностите, потребно е да се направи: просторот од нискиот дел да се санира, да се постави термичка заштита над таваните, замена на стари прозори и врати со нови од ПВЦ, поставување на хидроизолација. ОПШТИНА ВЕВЧАНИ - За потребите на општината се предвидува вградување на прозори и врати, односно промена на постоечките двојни дрвени прозори и надворешни врати, со ПВЦ профили застаклени со термопан стакло 4+16+4 во објект на локалната самоуправа - Дом на култура во Вевчани, со цел подобрување на условите за работа и енергетските карактеристики на објектот. Потребно е да се отстранат постојните прозори и врати кои треба да се заменат со нови, сo цел поголема термичка и звучна заштита на објектите без да се наруши автентичноста на надворешниот изглед на објектот. Новопредвидените прозори и врати да бидат предвидени од современи квалитетни материјали, лесно одржливи, отпорни на абење и грeбење. Објектот е лоциран во самиот центар на Вевчани. Објектот е со намена В – Јавни институции. ОПШТИНА ЦЕНТАР ЖУПА – Стара општинска зграда- Објектите се проектирани спрема деталните урбанистички услови како троделен административен објект од кои првиот и најголем дел е со приземје и спрат, додека двата помали делови од постојниот објект со само во приземен дел. Објектот е стар и со проектот е предвидено да се изведат: замена на надворешна столарија-прозори и врати со нови од ПВЦ, замена на внатрешни врати; малтерисување на внатрешни ѕидови; нова надворешна термичка фасада; енергетска саниација на оштетен кров.