ПРОЕКТ ДЕТАЛИ

На север општина Валандово се граничи со општина Конче, на исток со општина Струмица, на југоисток се општина Дојран и општина Богданци, а на запад со општина Гевгелија. Низ територијата на општината Валандово минуваат патиштата кои водат кон Струмица и Дојран, како и автопатот Е-75. Истата е оддалечена 26 километри од граничниот премин Дојран и 30 километри од граничниот премин Богородица, како и 48 километри од граничниот премин Ново Село, што и гарантира поволна географска положба и лесен пристап. Територијата на општината Валандово се протега на 331 квадратни километри. Веднаш над градот Валандово, пат со должина од 2.6 км, обезбедува пристап до регионалното културно наследство прекрасниот манастир св. Горѓи. Вложувањето со цел подобрување на пристапноста на локалните туристички атракции, преку подобрување на туристичката инфраструктура – проширување на постоечкиот пат и реконструкција на одмаралиштата, ќе има позитивно влијание врз туризмот во целиот регион. Моменталниот пристап до оваа локација е со несоодветна инфраструктура (мала ширина на патот), недостиг на места за паркирање и одмори што негативно влијае на бројот на посетители, недостигот на информативни табли и патокази, допринесува посетителите да дознаат помалку за локалната историја и култура што води кон тоа да поминуваат малку време на самото место. Туристичката патека се наоѓа во непосредна близина на градот Валандово на планината Плавуш. Ова место најчесто го посетуваат најмногу локалните жители, многу често и мали групи и индивидуални патници од соседните региони и држави. Постојниот пат локалното население го користи и за активности на отворено, како на пример пешачење и велосипедизам. Покрај сето ова, овој проект не само што ќе влијае на збогатување на туристичката понуда и развојот на туризмот во регионот, туку и врз економски развој во Југоисточниот плански регион. Со самото уредување на оваа место, на локалните жители ќе им се отвори можност да нудат одредени угостителски услуги, сместување за посетителите, организрање на спортски активности и настани за што и истите би можеле да обезбедат финансиски бенефит. Со изградбата на патеките, проширувањето на патот, одмаралиштата, информативните табли, места со поставување на фитнес опрема, игралиште за деца и поставување на телескоп на кулата, како и паркинг за моторни возила, ќе овозможи оваа место биде посетено домашни и странски туристи, а воедно ќе помогнат и во туристичкиот и економскиот развој како на општината Валандово така и на целиот регион. Со уредувањето постои голем потенцијал за привлекување на туристи кои транзитираат во областа, на пат за Дојран, Грција и Бугарија. Со тоа се очекува да се добие една интегрирана посета со лесна активност на отворено и поврзување на рекреативни површини со природно и културно значење (природна атракција „Кафољ“, античките аквадукти, месноста Извор, кула „Исар“. Како целни групи на овој проект се: локалното населението на општина Валандово, населението од Југоисточниот регион како и дел од странските и домашните туристи. Директни корисници се сите жители на Југоисточниот регион.