ПРОЕКТ ДЕТАЛИ

ОПШТИНА СТРУГА - ЈОУДГ „8-ми Март“ - Самиот објект е со намена детска градинка, со две нивоа, приземје и во дел од објектот има подрум со кој нема топла врска со приземје. Конструктивниот систем на објектот е решен како армирано-бетонски скелетен систем, поставен на армирано-бетонски темелни ленти, во еден дел зајакнати со армирано-бетонски темелни самци, а се во соогласност со статичката пресметка и арматурните детаљи. Надворешните ѕидови на објектот се со дебелина од д=25цм, се изведени од керамички блокови со продолжен малтер, додека пак внатрешните преградни ѕидови се со различна дебелина (од 12 цм до 25цм) и се предвидени да се изведат исто така керамички блокови во продолжен малтер. Кровот е предвиден и решен како повеќеводен кров комбиниран како повеќеструка (еднострука и двострука) столица, поставен и решен на армирано- бетонска кровна плоча. Внатрешниот дел од објектот е стар и не е реновиран во последните неколку години. Еден дел од занималните се адаптирани во училници, додека еден дел за канцеларии. ОПШТИНА СТРУГА – Административна зграда на Општината – Објектот е наменет за административна зграда на Општина Струга, постојна зграда на администрацијата, и е во 4 нивоа, приземје и три нивоа. Дел од прозорците се реконструирани во моментите кога се доградуваше дел од зградата. Поголемиот дел се останати стари прозорци кои се дрвени и стари. Со новите прозорци побрзо и полесно ќе се загрее просторот и значително ќе се намалат губитоците на топлина што се остваруваат преку прозорците. ОПШТИНА ДЕБАР – ОУ „Ристе Ристески“ , за потребите на основното училиште треба да се изведе санација на кров, фасада и промена на столарија на објектот. На самиот објект кровната конструкција е релативно добра но покривот од ќерамиди е во многу лоша состојба и треба да се врши промена на покривот. Олуците, парапетите, дилатациите, опшивките околу оџаците се дотраени и оштетени. Училиштето има 5 училници и наставата ја следат 123 ученици во две смени. Конструкцијата е од армирано бетонски столбови и греди а меѓукатната конструкција на првиот спрат од монта ферт елементи. Кровната конструкција е изработена од дрвени решетки. ОПШТИНА ОХРИД – Основно училиште „Христо Узунов“- Основната цел на оваа активност е намалување на потрошувачката на електрична и топлинска енергија преку замена на прозори и врати. Прозорците и вратите имаат голема функција во секој објект. 10% од губитоците на топлината се остваруваат преку прозорците и вратите. Овие губитоци може да се редуцираат до минимум со замена на старите прозори и врати со нови, кои имаат подобрени карактеристики и помагаат во намалувањето на губитоци на топлина. Со новите прозорци и врати побрзо и полесно ќе се загрее просторот и значително ќе се намалат губитоците на топлина што се остваруваат преку прозорците и вратите. Моментално постојат голем број на видови на прозорци и врати со подобрени каратеристики. Освен топлинска изолација новите прозорци обезбедуваат и подобрена звучна изолација. Постојат прозорци кои се двојно и тројно застаклени со термоизолациско стакло, опшиени со дрвена, алуминиумска или пластична (PVC) рамка, со исполна помеѓу стаклата од инертен гас – аргон, кој има улога на изолатор. Ваквите прозорци и врати претставуваат термопакети кои обезбедуваат зголемена топлинска и звучна изолација и тие се енергетски ефикасни прозорци. Тие имаат голема отпорност спрема атмосферските влијанија и се долготрајни. Според техничките услови и стандарди во ЕУ, енергетски ефикасните прозорци се задолжителни во сите нови објекти. Во основниот проект се предвидени замена на стари прозори и врати вкупно 163 парчиња. ОПШТИНА ДЕБРЦА (прва фаза) – Постоечкиот објект изграден е некаде во 50-тите години на минатиот век, објектот со првична намена да живее и функционира како Задружен дом во с.Требеништа, никогаш не заживеа и не ја исполни својата проектирана, предвидена намена. Временската дистанца од 60 - тина години, како и изборот на материјалите употребени при градбата на објектот и препуштеноста на забот на времето неминовно допринесе објектот да се наоѓа во незавидна состојба. Постоечкоит објект е со висина од приземје и кат. Конструктивно постоечкиот објект е граден како масивна градба со носиви ѕидови од камен со д=60см, ѕидани со продолжен малтер. Меѓукатната, таванската и кровната конструкција се дрвени. ОПШТИНА ВЕВЧАНИ - Во општина Вевчани е предвидено да се реконструира надворешната фасада со нова термо фасада во јавниот објект кој што е сопственост на општината и истиот е Дом на култура. Постојната фасада е без термо изолација и е стара од времето кога е изграден објектот. Со оглед на фактот што се работи за голем објект со корисна површина од 2025 м2 интервенцијата ќе овозможи големи заштеди на енергенси и ќе создаде подобри услови за работа. ОПШТИНА КИЧЕВО - ОУ „Санде Штерјоски“ - Постојната училишна зграда е со спратност од П+2 - приземје и две нивоа. Училишната зграда е изградена во 1973 година, а во изминатите години со цел да се реконструира и да се подобрат условите за работа за поголема термичка заштита и санација на кровот е пристапено кон низа градежни активности. Во 2008 година реконструиран е кровот на целото училиште со завршен покривач од профилиран пластифициран лим, како и реконструкција на фасадата и делумно прозорите од училиштето. Потребно е да се направи замена на постојните прозори и врати кои се изработени од дрвени профили, стаклените прегради во холовите на училиштето кои се од метални профили, едноструко застаклени, како и дел од прозорите кои се веќе заменети и се од PVC профили во приземјето на училиштето, но поради лоша изработка и вградување се оштетени и деформирани. Замената на прозорите и вратите ќе обезбеди подобрување на условите за престој и работа во објектот, како и подобрување на енергетските карактеристики на основното училиште.