ПРОЕКТ ДЕТАЛИ

Генерално проблемот во врска со туризмот во Источниот плански регион и во дестинацијата Бр. 5 - Малеш за развој на туризмот во Македонија од Студијата на Светска банка е недоволната и неразвиена туристичка инфраструктура, односно ограниченоста/сезонскиот карактер на туристичката понуда, непрепознатливоста на туристичкиот производ како и недоволната кохезија на засегнатите страни во креирањето на специфичен идентитет и понуда во квантитет и квалитет. На територијата на општина Пехчево постои природна реткост со голем туристички потенцијал – Пехчевските водопади (5 водопади долж горното течение на реката Брегалница во рамки на туристичката населба "Равна Река") кои се делумно уредени со средства од донаторската заедница, Источен плански регион и општина Пехчево но заради применетиот концепт на користење на прир. материјали од непосредното опкружување во уредувањето (дрвени патеки, мостови, ракофати, заш.огради и сл.) се јавуваат потешкотии во одржувањето и неговото (ис)користување.Имено, особено во летниот/есенскиот период на водопадите има голем број на посетители (во последно време има најмногу посетители од Бугарија и Турција) од земјата и од странство кои сами или организирано како групи од хотел "Гогов" Пехчево и хотелите "Манастир", "Аурора"и "Бела Вода" од Берово и од хотел "Македонија" Делчево или др. тури на Тур. агенции како Атлантис - Струмица, Аурора Турс - Скопје, Маршал Травел - Пехчево и др. ги посетуваат водопадите.Заради зголемената фрекфенција на посетители се јавува зачестена потреба од поправки и одржување на патеките, мостовите, летниковците и сл. но истотака, заради влажноста во шумата, засенетоста и сл. се јавува и забрзано гниење на дрвената маса искористена за патеката, на урбаната опрема и воопшто на целата инфраструктура, односно има појава на оштетување на пристапните патеки од природен но и од антропоген фактор. Потребата за подобрување на пристапноста кон водопадите и олеснување на движењето на посетителите претпоставува подобрување, односно изградба на нова туристичка инфраструктура (пристапна патека со урбана опрема) втемелена на квалитет на материјалите кои ќе гарантираат безбедност, лесна пристапност и движење низ патеката, забавни и едукативни содржини долж истата односно урбана опрема прилагодена особено на посетители со деца и повозрасни посетители со доволно места за одмор и рекреација. Во контекст на потребата од градењето на препознатливост и содржина на туристичката понуда, неодминлив дел од понудата на сите микро-регионални сместувачко-угостителски субјекти од општините Пехчево, Берово и Делчево но и на големиот број на сопственици на приватно сместување (викендички и вили) од тур. населби "Равна Река" Пехчево, и "Абланица" и Беровско езеро, Берово е посетата на Пехчевските водопади. Развојот на инфраструктурата и пристапноста на водопадите е суштински дел од престојот на туристите во микро-регионот кој вообичаено претпоставува престој во хотел или приватно сместување и патување/посета на локални знаменитости односно најчесто посета на Туристичката населба "Равна Река" во чиј склоп се Пехчевските водопади (Црнодолски водопад). Потребите силно искажани од приватниот сектор за поддршка на туристичката дејност за градење и збогатување на својата понуда која најчесто претпоставува посета на Пехчевските водопади и на Тур. населба ,,Равна Река,, Пехчево, подразбираат изградба на НОВА туристичка инфраструктура на пристапни патеки и др. придружна урбана и др. опрема во контекст на приближување до посетителите (досега водопадите беа практично непристапни за повозрасни посетители и мали деца), подобрена изложеност на патеките, подобрена видливост со инфо-табли и збогатување со атрактивни содржини долж патеките особено за посетители со деца, велосипедисти и др. целни групи. Пристапноста и безбедноста се клучните фактори кои ја определуваат атрактивноста а со тоа и посетеноста на Пехчевските водопади (Црнодолски водопад) и соодветно на тоа преку изградбата на пристапна патека поплочена со камени плочи, со камено-бетонски заштитни зидови, со безбедни мостови со заштитни ракофати и огради, поставувањето на урбана опрема за одмор и рекреација (летниковци, клупи и маси за одмор, простор за подготовка на храна-скара, канти за отпад, информативни табли и сл.) по примерот на добрите искуства и пракса од соседството (Колешинските, Габровските и др.водопади на Беласица во Југо-Источниот регион) и пошироко, ќе се афирмира целиот регион и ќе се придонесе за развој на туризмот, ќе се зголеми бројот на посетители, ќе се продолжи нивниот престој а со тоа ќе се зголеми и економскиот ефект од туристите во контекст на раст на приватниот сектор, нови вработувања и зголемена економска активност.