ПРОЕКТ ДЕТАЛИ

Општина Штип е административен, економски и културен центар на Источниот плански регион. Поради ова во Општина Штип на дневна база има голем проток на луѓе како од Источниот плански регион така и од околните региони Југоисточен и Вардарски, особено од општините Радовиш, Конче, Свети Николе, Лозово кои овде работат, студираат или имаат други свои потреби кои ги вршат во општината. Со отварањето на универзитетот „Гоце Делчев“ како и со отварањето на повеќе фабрики во слободната економска зона во Штип многу луѓе од регионот најдоа своја егзистенција во Општина Штип, при што и овде трајно или времено се населуваат што се гледа и од зголемениот број на купопродажни договори кои се реализираат во општината. Имено, од добиените податоци од одделението за администрирање на приходи во Штип може да се воочи дека 20 проценти од сите купопродажни договори на имот се од граѓани кои не се со живеалиште во Општина Штип. Сето ова погоре наведено резултира и со зголемување на населението во Општина Штип со луѓе од регионот. Поради овие причини Општина Штип моментално се соочува со многу предизвици и потреби кои треба да се решаваат но моментално еден од најголемите потреби на општината е хроничниот недостаток на слободни места за паркинг што резултира со намалување на протокот на движење на возилата со посебен акцент на тешкотии во сообраќајното движење на сервисните возила од јавните институции (Брза помош, полиција, противпожарни возила идр.). Потребата од решавањето на овој горлив проблем од ден на ден е се поизразена и истиот предизвикува поголеми застои во сообраќајот во поголем дел од работниот ден при што доведува и дозагадување на животната средина со штетни издувни гасови. Како последица на ова има појава на чести долги сообраќајни застои и сообраќајни незгоди и зголемен број на заболувања на респираторните органи. Изградбата на платформа за паркинг, која е предвидена согласно урбанистичкиот план на градот во голема мерка ќе го растерети паркирањето но и протокот на возила во административниот дел на градот каде се наоѓаат Клиничка болница - Штип, СВР Штип, Здравствен Дом, Основен Суд, УГД, Театар.