ПРОЕКТ ДЕТАЛИ

Езерото Младост е многу посетувано туристичко место, како од локалното население, така и од посетители од целата територија на РСМ, но и од голем број на транзитни туристи кои транзитираат низ Република Македонија, односно Коридорот 10, застанувајќи кај езерото Младост за одмор и релаксирајќи се на некои од угостителски објекти околу езерото. Езерото Младост исполнува голем број предуслови да стане уште поголема туристичка атракција со локално и регионалено значење. Локалните власти прават напори за дополнителен развој на езерото, преку можности за изградба на најразлични содржини и услови за развој на транзитниот и алернативниот туризам во здрава животна средина. Во близина на езерото Младост, односно на само 1 (еден) километар од него се наоѓа населбата Отовица, населено место кое од страна на жителите на Велес е препознатливо како прибежиште од градскиот живот и каде голем дел од жителите на Велес имаат изградено викенд куќи релаксирајќи се во тивка природна средина. Кон оваа убава слика за создавање на еден одличен туристички локалитет, потребно е санирање на проблемот кој населено место Отовица го имаат, а тоа е недостаток на систем за водоснабдување, односно недостигот од основните услови за здрав и квалитетен живот. Потребата од подобрување пред се на здравјето на населението, кое што има право на снабдување со вода, основниот услов за животна егзистенција ќе се постигне со подобрување на водоснабдувањето на населеното место преку поврзување со новоизградениот водоснабдителен систем за населбите покрај езеро Младост, кој всушност е поврзан на водоснабдителниот систем на градот, кој го стопанисува Јавното комунално претпријатие Дервен, со дирекно поврзување на потисен цевковод. Водоводната линија за водоснабдување на село Отовица е потребно да се приклучи на потисен цевковод изработен од полиетилет HDPE 100, потисниот цевковод кој што би имал капацитети за полнење на 100 m³. На оваа локација постои испусен вентил, меѓутоа не постои приклучокот кој што е потребен да се вметне на огранок со фланши изработени од нодуларен лив со епоксидна заштита на внатрешната и надворешната страна на елементите. Со водоводната линија потребно е да се постави безжична сигнализација за регулирање и отчитување на нивото на постоечкиот резервоар во с. Отовица. Едни од најважните инфраструктурни системи се системите за водоснабдување на населението (водовод) и системите за собирање и одведување на отпадните води (канализација), како и нивен третман, односно прочистување. Непостоење на овие системи предизвикува низа проблеми во секојдневниот живот на населението. Веќе е реализиран проектот за изградба на фекална канализација со препумпна станица за населено место Отовица кое што дава позитивни импулси за заштита на површинските и подземните води од загадување, како и врз целокупното непосредно опкружување од аспект на повисока организација, инфраструктурна опременост и уреденост на просторот со максимално почитување и вградување на нормативите и стандардите за животна средина. Средствата за овој проект се обезбедени од страна на Министерството за локална самоуправа – Биро за регионален развој. Реализацијата на проектот дополнително ќе придонесе за зачувување на природните вредности на Езерото и за подобрување на туристичко рекреативните вредности на просторот. Со изградбата на овој систем за водоснабдување во населеното место Отовица се дава значаен придонес кон принципот на заштита на квалитетот на водите на самите изворишта на загадување.