ПРОЕКТ ДЕТАЛИ

Проектот се однесува на Обезбедување на опрема за потребите на ЈКП Пела Хигиена , за зимско чистење и одржување на локалните патишта и уредување на јавни површини , со цел намалување на трошоците за обезбедување на услугите за месното население. Обезбедената опрема во понатамошниот период би можело да се користи и за обезбедување на услуги за поширокиот регион, со особен акцент на населените места од општините Новаци, Битола. Притоа ваквата опрема од големо значење би имала за сите наведени општини за помош при изразени врнежи од снег во зимскиот период и и при неможност за брз одговор од надлежните служби се со цел да се обезбедат безбедни услови на патиштата. Во моментот Општината поради немањето на опрема за оваа намена , услугата ја дава со помош на користење на услуги од трети лица со однапред спроведени тендерски постапки што допоплнително ја усложнува процедурата и брзината на испорака на услугите. Активностите кои ќе бидат овозможени со реализацијата на проектот може да овозможат услуга за населението од населени места од неколку општини, Могила, Новаци, Битола, Демир Хисар, овој проект би овозможил најмалку 2 нови вработувања . Согласно член 22 став 1 точка 4 од Законот за локалната самоуправа (“Службен весник на Република Македонија“ бр. 5/2002), општините, меѓудругото, имаат надлежности и во делот на изградба, реконструкција, одржување и заштита на локалните патишта и улици и останати инфраструктурни објекти. Во моментот, општина Могила не располага со соодветна механизација за одржување на патната мрежа на својата територија и обезбедување на безбедни услови за нејзино користење и во зимски услови. Поради слична состојба со недостаток на механизација и опрема, и соседните општини се соочуваат со проблеми при одржувањето на проодноста на патната инфраструктура особено во зимски услови. Со цел зголемена ефикасност, овие општини практикуваат размена (отстапување) на и онака минималната механизација со која располагаат а со цел да им овозможат на жителите и бизнис секторот безбедно и ефикасно одржување и заштита на локалните и регионалните патишта и улици. Со цел да може општината преку ЈКП да одговори на својата надлежност претходно непоходно е да се набави соодветната опрема и механизација. Преку набавката на тракторот и додатната механизација ЈКП ќе може да преземе услугите и навремено да ги чисти и одржува патиштата на територијата на општината како и соседните општини. Со што ќе се избегне доделуваље на овие обврски на економски оператор, ќе се скрати времето за припрема како и времето на испорака на услугите.