ПРОЕКТ ДЕТАЛИ

Во општина Чашка почетокот на локалниот пат до с.Горно Врановци е непосредно пред селото Лисиче, односно на спојот со регионалниот пат Р 2344 (врска Р132 Чашка – Лисиче – Дреново), а патниот правец завршува во село Горно Врановци пред Домот на културата. Првата фаза од реконструкцијата на патот е комплетно завршена и патот е обезбеден за сообраќај. Дел од средствата потребни за реконструкција на оваа коловозна конструкција во 2016 година се обезбедени од страна на Светска банка и се завршени 850 м од патот. Моменталната состојба на патот чија што реконструкција е опфатена со втората фаза од основниот проект за реконструкцијата на патот до С.Горно Врановци укажува дека истиот е во во доста лоша состојба, небезбеден за сообраќај, на одредени делови има појава на целосно оштетување на асфалтниот коловоз, затрпани канавки за одводнување, оштетени риголи за доводнување, зараснати со вегетација, пропусти и оштетени банкини. Постоечките земјени канали се делумно затрупани, така што атмосферската вода тече по површината на коловозот од патот при што се оштетува горниот слој на асфалтот на истиот. Ваквата негова состојба го отежнувања и зимското одржување при појава на снежни покривки, односно, на местата каде што има поголеми дупки се појавува механичко оштетување при плужење на снежната покривка. Реконструкцијата на патот ќе има повеќекратно позитивно влијание врз секојдневното живеење како на месното население, така и на сите останатите посетители во селото, со оглед на фактот што во селото има многу викенд куќи чии сопственици доаѓаат како од Чашка така и од соседната општина Велес. Проектот позитивно ќе влијае и во делот на образовните услуги, имено во селото Горно Врановци се наоѓаат подрачните училници од прво до петто одделение во склоп на основното општинско училиште „Лирија“ од с.Горно Јаболчиште. Во учебната 2017/2018 година во подрачното училиште Лирија во Горно Врановци следат наставна програма , вкупно 38 ученици. Децата своето образование го продолжуваат во ООУ“ Лирија“ Горно Јаболчиште и 21 ученик секој ден патуваат на релација Горно Врановци - Горно Јаболчиште односно 21 км. Децата пак од средното образование посетуваат редовна настава во Велес и секој ден 15 ученици патуваат 33 км од селото во општина Велес. Олеснувањето на условите за активното учество во образовниот систем и социјалниот живот ќе влијае позитивно на духот на младиот човек, правеејќи му ги достапни сите благодети на секојдневното живеење, како и стимулирање за понатамошно дообразование и едуцирање. Исто така, реконструкцијата на патот ќе овозможи и полесен пристап на месното население до здравствените институции како до самата општина, така и до болницата во Велес, како поголема здравствена институција која што може да одговори на здравствените проблеми на овие луѓе. Првата фаза за реконструкција на овој локален пат кој е во завршна фаза беше аплицирана од страна на Центарот за развој на Вардарски плански регион со годишната листа за предлог-проекти за 2019 година до Министерство за локална самоуправа – Биро за регионален развој. Со овој проект би се завршил во целост локалниот пат кој го поврзува с.Горно Врановци со регионалниот пат Р2344 Чашка-Дреново. Во село Подлес вештачката акумулација езеро Подлес е изградена 1986 година и истата има можност за зголемување на капацитетот, со главен извор на снабдување со вода од река Водник. Езерото припаѓа на територијата на Катастарска Општина Градско со висина на брана од 21 м, должина на брана од 164,5м и вкупен волумен на акумулацијата од 400,00 10/3 м3, површина од 75000 м2 и сливна површина од 12,6 км2. Намената на акумулацијата е за обезбедување на технолошка вода и наводнување, со искористеност на капацитетот за наводнување на просечна површина од 1 км2. Минималното ниво кое го достигнува акумулацијата е на кота од 567,00 мнв од максималната безбедносна кота од 585,00 мнв. Низ територијата на Општина Градско минува железничката пруга Белград-Скопје-Солун, коридорот 10 и регионалниот пат М5 и таа добра позиционираност претставува вистинска можност за развој на транзитниот туризам и за привлекување на домашни и странски туристи. Посетеноста на оваа туристичка дестинација и понатаму стагнира, бидејќи не е достапна за сите категории на посетители. Патниците кои поминуваат низ регионот немаат можност за задоволување на основните потреби во текот на патувањето, а за нивно подолго задржување во земјава, тешко дека може да стане збор. Покрај патот функционираат само бензински пумпи со многу скромна понуда. Други објекти од типот на информативни пунктови, патокази, промотивни материјали не постојат. Ваквата состојба наметнува потреба од итно и неодложно решавање на проблемот, бидејќи истиот влијае на динамиката на севкупниот развој на регионот, па и на државата. Имајќи предвид дека туризмот може да носи многу приходи и да ја подобри економската состојба во регионот, треба да се направат сериозни напори за да се искористат природните, просторните, пазарните, комуникациските и другите ресурси на регионот. Со цел за надминување на претходно споменатата ситуација, со преземањето на проектните активности за асфалтирање на локалниот пат во с.Подлес, кое е во непосредна близина со езерото Подлес ќе прерасне во рекреативен туристички центар кој ќе стане подостапен и попривлечен за домашните и странските туристи. Со реализирањето на проектот ќе се придонесе и кон спречување на природата од уништување, ќе се доближат природните убавини до жителите од Вардарскиот регион и Република Македонија, ќе се создадат можности за работно ангажирање на месното население, ќе се промовира регионот, неговата култура, традиција и здравиот начин на живот. Вардарскиот регион ќе заживее, економски ќе зајакне и ќе се спречи миграцијата (село-град) на месното население и ќе претставува вистинско решение за надминување на овој проблем. Центарот за развој на Вардарски плански регион преку проектот „Опремување и уредување на рекреативен туристички центар – езеро Подлес, село Подлес, Општина Градско“ кој беше во годишната листа на предлог-проекти за 2015 година до Министерство за локална самоуправа – Биро за регионален развој, беа поставени летниковци на шест локации околу езерото Подлес, Со реализацијата на овој проектот ќе се постигне целта и ќе се подобрат овие локации кои што ќе ја збогатат туристичката понуда во Регионот.