ПРОЕКТ ДЕТАЛИ

Општините Крушево и Долнени се едни од помалите општини во РСМ од аспект изворите на приходи, односно располагаат со ограничени финансиски ресурси. Од друга страна, состојбата со патната инфраструктура во двете општини не е на задоволувачко ниво, па оттука се наметнува потребата од вложување на значителни финансиски средства за изградба или реконструкција на патиштата и улиците. Само мал дел од постојните патишта и улици кои се асфалтирани се во добра состојба без потреба од реконструкција. Голем дел од патиштата и улиците имаат потреба од реконструкција бидејќи постојната асфалтна површина е застарена, има големи оштетувања кои го отежнуваат движењето и на возилата и на пешаците. Патот кој ги поврзува двете општини, а е предмет на овој проект е земјен. Општините прават напори вложувањата да бидат рамномерно распоредени по сите населени места за да се подобрат условите за живот на населението кои живее во нив. Во услови на прилив на населението во градовите, поттикнат од забрзаниот развој на урбаните средини, се предизвика дисбаланс во просторот и концентрирање на население во градовите, со напуштање на селските средини и празнење на селата. Во такви услови се деградираат руралните средина, а миграцијата село –град, меѓуостанатите причини е поттикната и од несоодветанта инфраструктурна изграденост на руралните средини. Оваа состојба у кажува на потребата за континуирани вложувања во подобрување на патната инфраструктура за да се овозможат пристојни услови за живот и економска активност на локалното население. Во рамките на патната мрежа во Општина Крушево и Општина Долнени, патот кој е предмет на овој проект е од регионален карактер. Истиот ги поврзува населеното место Житоше, Општина Долнени со населеното место Борино во Општина Крушево. Овој пат понатаму овозможува поврзување на Житоше Општина Долнени преку Борино со Саждево, Јакреново, Борино и Белушино, Општина Крушево. Двете населени места моментално меѓусебно се поврзани со земјен пат кој е во исклучително лоша состојба бидејќи е подложен на постојано влијание од временските услови. Најблиската патна врска помеѓу двете населени места моментално е долга повеќе од 6 000 метри преку н.м. Лажани. Имплементацијата на овој проект ќе го скрати патувањето од Борино до Житоше за 4 532 метри или за 68 %. Бидејќи се станува збор за реконструкција на постојна патна инфраструктура, димензиите на патот ќе се задржат, односно реконструкцијата ќе се врши во рамките на постојната ширина на патот од 3,5 м, со две коловозни ленти од по 1,75 метри. Проектното решение предвидува поставување на асфалтен слој БНХС 16 со дебелина од 7 см. Под асфалтниот слој, согласно стандардите за ваков вид на реконстркција на патна инфраструктура, ќе се постави тампонски слој од дробеник со дебелина од 30 см. Пред изведба на работите на асфалтирање на горниот строј, потребно е да се изведат работи на обележување на трасата и земјени работи. Населението од проектната област го сочинуваат припадници на различни етнички заедници, ранливи категории и различни возрасни структури. (стари лица, млади, деца, жени, мажи, лица од различни националности). Овој пат ќе се користи исто и од преку 150 ученици кои посетуваат настава со околните населени места, како и вработените во тие образовните и други институции.