![](/Content/img/sirera-logo-transparent.png)
Систем за координација во планирањето, спроведувањето, мониторингот и евалуацијата на политиката за рамномерен регионален развој
Јакнење на регионалните капацитети за одржување и заштита на патната инфраструктура во Пелагонискиот регион
ПРОЕКТ ДЕТАЛИ
Согласно член 22 став 1 точка 4 од Законот за локалната самоуправа (“Службен весник на Република Македонија“ бр. 5/2002), општините, меѓудругото, имаат надлежности и во делот на изградба, реконструкција, одржување и заштита на локалните патишта и улици и останати инфраструктурни објекти. Во моментот, општина Демир Хисар не располага со соодветна механизација за одржување на патната мрежа на својата територија и обезбедување на безбедни услови за нејзино користење и во зимски услови. Поради слична состојба со недостаток на механизација и опрема, и соседните општини Кривогаштани и Крушево се соочуваат со проблеми при одржувањето на проодноста на патната инфраструктура особено во зимски услови. Со цел зголемена ефикасност, овие општини практикуваат размена (отстапување) на и онака минималната механизација со која располагаат а со цел да им овозможат на жителите и бизнис секторот безбедно и ефикасно одржување и заштита на локалните и регионалните патишта и улици. Општина Демир Хисар има надлежност во чистење на снег од коловоз на 29 патни правци (локални патишта) во вкупна должина од 85 км и улици во 13 населени места во вкупна должина од 20,05 км. Дел од оваа патна инфраструктура (како делницата Р1305) претставуваат патни правци што Општина Демир Хисар директно ја поврзуваат со некои од соседните општини (Крушево). Одржувањето (чистење на снег од коловоз) на локалните патишта и улици до зимската сезона 2017/2018, општина Демир Хисар го доделуваше на правни лица (изведувачи) по пат на јавна набавка и склучување на договор за оддржување на проодноста на локалните патишта и улици во зимски период. Заради недостиг на конкуренција, цените на услугите беа високи, а квалитетот на услугата незадоволителен. Потребата од квалитетна услуга по прифатлива цена наложи Советот на Општина Демир Хисар да донесе Одлука за делегирање надлежнот на ЈКП „Комуналец“ во делот на одржување на локалните патишта и улици. Согласно таа одлука, ЈКП Комуналец треба да го врши чистењето на снегот на локалните патишта и улици на целата територија на општината каде има асфалтиран коловоз а поради специфичноста на теренот, за чистење на снег на локалните патишта до високите планински населени места се ангажираат градежна механизација на ДООЕЛ “Рудник“ Сопотница и ЈП “Македонски шуми“ подружница „Бигла“ Демир Хисар. За да може ЈКП да одговори на новата надлежност неопходно е да се опреми со соодветна механизација и опрема. Покрај постоечкиот камион ФАП 1414 со снежен плуг, трактор ФЕРГУСОН 560 со снежен плуг и градежна машина-ровокопач со утоварна лопата и снежен плуг, ЈКП Комуналец има потреба од набавка на најмалку уште еден камион со снежен плуг и соларка. Со набавка на новата опрема, ЈКП самостојно и целосно ќе може да одговори на дадената задача односно да излезе во пресрет на потребите на јавните комунални претпријатија и на соседните општини Крушево и Кривогаштани кои со патни правци непосредно се поврзани со општина Демир Хисар.
Времетраење проект:
Почетен датум:
23.04.2019
Краен датум:
31.03.2021
Датум завршување:
Вид проект:
Институција:
БИРО ЗА РЕГИОНАЛЕН РАЗВОЈ
Општина:
Демир Хисар
Буџетска програма:
РЕГИОНАЛЕН РАЗВОЈ