ПРОЕКТ ДЕТАЛИ

Во рамките на проектот на две јавни институции, регионалниот пазар во Прилеп и регионалниот Дневен Центар за лица со церебрална прализа ќе бидат поставени фотоволтаични модули за производство на електрична енергија од обновливи извори со капацитет со моќност од 15 – 16 kW кои ќе произведуваат зелена електрична енергија за покривање на дневните потреби на овие две јавни институции. Регионалниот пазар во Прилеп и Регионалниот Дневен Центар за лица со церебрална парализа имаат потреба и обврска за намалување на трошоците за електрична енергија како и за создавање на зелена енергија. Произведените kWh електрична енергија од обновлив извор, ќе ги користат во текот на работниот процес за сопствени потреби преку скалдирање во батериска банка во текот на денот или ноќта. Според официјалните податоци на Photovoltaic GIS системот, општина Прилеп и околината имаат просечна годишна ирадијација од 1.700 kW/m2 што претставува огромен природен ресурс кој воопшто не е искористен. Фотоволтаичните модули ќе бидат поставени на кровните конструкции на регионалниот пазар во Прилеп и регионалниот Дневен центар за лица со церебрална парализа соодветно поставени кон југ. Во согласност со дневните потреби, на регионалниот пазар ќе бидат поставени 104 модули од 265 W а на регионалниот Дневен Центар 56 модули од 280 W. Системот предвидува ФВ модули поставени на фиксна метална конструкција, инвертор, батериска банка, AC/DC ормар со автоматика, соалрен кабел, конектори и канали. На регионалниот пазар ќе биде поставен тнр. off grid систем диманезиониран согласно сметките за електрична енергија на оваа институција во текот на една година. Произведената зелена енергија ке се користи за потребите на пазарот во текот на целиот ден односно 24 часа. Преку ден енергијата ќе се користи за потребите на управната зграда, осветлување,, ладење, греење, компјутери и осветлување на пазарот, а навечер најмногу за обезбедување на ноќно осветлување на пазарот. Произведената енергија нема да се предава или продава на дистрибутер (и) со електрична енергија. Регионалниот Дневен Центар ќе има grid connected систем што знаци дека произведената зелена електрична енергија за сопствени потреби ќе ја троши само во текот на денот. Регионалниот пазар ќе има очекувано годишно производство на зелена енергија од околу 37.400 kWh електрична енергија односно намалување на емисијата на ЦО2 во воздухот за 36.000кг. Регионалниот Дневен центар ќе има очекувано годишно производство на зелена енергија од околу 20.300 kWh електрична енергија односно намалување на емисијата на ЦО2 во воздухот на Пелагонискиот регион за 19.800 кг. Во услови на непроменета цена на електрична енергија, повратот на инвестицијата во off grid системот би бил околу 8 години а кај регионалниот Дневен Центар би бил 4.5 години. Целосното искористување на новопроизводената зелена енергија ќе придонесе за намалување на сметките за струја за околу 140.000 МКД годишно на регионалниот пазар и најмалку 100.00 МКД на регионалниот Дневен Центар.