ПРОЕКТ ДЕТАЛИ

Технич. опременост на Територијалната противпожарна единица на општина Битола е во значително лоша состојба, па од таму се јавува и потребата од набавка на нова современа противпожарна опрема по европски стандарди. Самиот факт дека ТППЕ на општина Битола делува и на територијата на општините Новаци и Могила поради немање на свои противпожарни служби самиот проект добива на големо регионално значење за жителите во Пелагонискиот регион. Застарената и дотраена опрема со која располага Противпожарната единица на општина Битола, ја намалува ефективноста и ефикасноста во справувањето со пожари, собраќајни несреќи и други непосакувани несреќи каде има потреба да делува ТППЕ Битола. Дотраеноста на целокупната опрема на ТППЕ Битола особено дотраеноста на возилата кои се во возна состојба, представуваат и дополнителен трошок на општина Битола. Со зголемувањето на безбедноста и заштита од пожари и несреќи, во голема мера ќе се подобри и квалитетот на живот на населението во општина Битола, Новаци и Ресен, бидејки тоа ке ги намали трошоците кои настануваат при пожар на сопствениците на станови, куќи, имоти и индустриски капацитети, а исто така ќе се намали и опасноста од зголемување на бројот на жртви. Проектот има силно влијание врз животната средина и биодиверзитет на тој начин што во голема мера ќе допринесе за превенција и заштита од пожари кои можат да го нарушат целокупниот еко систем. Со набавката на опремата и противпожарното возило пожарите навремено и квалитетно ќе бидат спречени а со тоа ќе се намалат и штетити врз шумските, земјоделските површини, тоа ќе овозможи подобро и поквалитено искористување на природните ресурси. Целна група/корисници од проектот е населението од општините: Битола, Новаци и Могила како и населението од целиот Пелагониски регион бидејќи во случаи кога се случуваат пожари од поголем обем територијалната противпожарна единица интервенира онаму каде што е потребно. Потребите и барањата на целната група произлегуваат од потребата за професионална, квалитетна и навремена противпожарна заштита на животната средина, имотите (стамбените објекти), земјоделските површини и индустриските капацитети. Бројот на директни корисници од резултатите на овој проект се повеќе од 105.644 жители во општините Битола, Новаци и Могила како и останатите жители во Пелагонискиот плански регион.