ПРОЕКТ ДЕТАЛИ

Селата во низинскиот дел на Општина Струга веќе повеќе од 50години се снабдуваат со вода за пиење од изворот за вода во село Шум. Станува збор за селата Радолишта, Шум, Заграчани, Теферич, Долна Белица, Враништа, Ложани, Драјслајца, Мороишта, Ливада и Мислешево, Велешта, Горно и Долно Татеши, Биџево, Добовјани, Ново Село, Волино во Општина Дебарца - или еквивалент на 30.000жители во руалниот дел на Општина Струга. Пумпната станица на изворот за водоснабдување е руинирана и населението во континуитет се соочува со недостаток или комплетно исклучување на системот за водоснабдување, неисправна вода за пиење и чести прекини во водоснабдувањето. Уште поголем е проблемот што овие населени места се локациите каде се сместени сите индустриски објекти на општината каде воглавно работаат лицата од овој регион. Со тоа во прекин се става и работата на бизнисите и индустриските капацитети од регионот. За да се реконструира постојната пумпна станица и резерварот за вода во село Шум, потребно е да се изработи техничка документација врз основа на која ќе се извршат потребите градежни зафати и набави соодветна опрема според модерни стандарди и во склоп со новите системи за пречистување на водатат за пиење. Со цел да се добијат сите потребни дозволи,како би се пристапило кон конкретна реализација на наведената инфраструктура изработката на оваа документација е од висок приоритет за рамномерниот развој на регионот од аспект на квалитет на живот и подобрување на условите за економски раст и развој.