ПРОЕКТ ДЕТАЛИ

Објектот во населеното место Ропотово општина Долнени е стар објект кој во моментот е со намена административна зграда, но во историјата на неговото постоење користен е за повеќе намени и тоа како објект за училиште, кино сала, дом на културата и друго според потребите на граѓаните од населените места кои гравитираат на овој дел од микрорегионот Долнени, Кривогаштани, Прилеп и Крушево. Денес објектот е делумно реконструран, заменет е кровот, внатрешните простории се премалтерисани , сменети се подовите на сите простории, сменета е целосно внатрешната и надворешната столарија(дограма), направена е од трите страни на објектот надворешна фасада, делумно се изведени внатрешните инсталации (водоводна и електрична). Но сепак просториите наоѓаат многу мала примена и немаат голема корист за граѓаните и за исполнување на нивните економски, социјални и културни потреби поради немањето на услови за реализација на било какви активности, користење на современи алатки како интернет, компјутери или пак затоплени простории за одржување на состаноци, вмрежување, социјализација или пак користење на услугите кои им ги нуди локалната или централната администрација (агенција за катастар на недвижности, управа за јавни приходи итн). За целосна употреба на објектот за било која намена потребно е да се изведат уште други дополнителни работи и системи (систем за греење, канцелариска опрема, надворешна ограда) како би можел понатаму објектот да се користи и во истиот граѓаните да може да обавуваат било какви активности или да користат услугите кои ги нудат централната и локалната администрација. Со проектот за опремување на административната зграда ќе се создатат услови за ставање на овој капацитет во функција на обезбедување на услуги од локално и централно ниво непосредно до жителите на овие населени места. Овој капацитет е од регионално значење затоа што ќе биде ставен во функција на жителите кои живеат во населените места кои гравитираат на територијата на општина Долнени, Кривогаштани, Прилеп и Крушево.