ПРОЕКТ ДЕТАЛИ

Управувањето со комуналниот отпад во Република Македонија, генерално земено е на многу ниско ниво, односно управувањето со отпадот се сведува само на негово собирање и депонирање. И општините Крушево и Демир Хисар не се исклучок од оваа констатација. Современото живеење се карактеризира со се поголемо генерирање на цврст комунален отпад во кој се повеќе се застапени материјали кои потешко се разложуваат по природен пат. Неправилното третирање на овој вид на материјали може да предизвика загадување на животната средина и генерално ќе се одрази негативно на врз квалитетот на живот на населението во регионот. Исто така и несоодветното третирање на биоразградливиот отпад односно органскиот отпад е причинител на создавање на таканаречените “Green House” гасови (метан) кои се причинители на ефектот на стаклена градина. Исцедокот кој се создава при неконтролираното разградување на органската фракција од комуналниот отпад е причинител на загадувањето на површинските и подземните води. Според член 22 од Закон за локална самоуправа – општините се одговорни за собирање и транспорт на комуналниот отпад од населените места. Оваа обврска Општина Крушево и Општина Демир Хисар ја имаат делегирано на јавните комунални претпријатија. За да може истите да ја извршуваат оваа надлежност успешно потребно е контејнерите и останатите садови за отпад навреме да се празнат и да се зачува чиста околината на контејнерите помеѓу празнењата. Со оглед на моменталната ситуација во која се наоѓаат јавните претпријатија во регионот, без соодветни односно недоволно возила, истите не може да ја исполнат оваа задача, па затоа општините заедно со јавните претпријатијасе изложени на многубројни - оправдани – жалби и критики од страна на граѓаните. Локација на Општината Крушево, со планинската клима, со благи зими и свежи лета, историското и културното богатство се совршен предуслов за развој на зимскиот и летниот туризам. Покрај поволните можности, врската со поголемите градски центри и големи природни и материјални потенцијали во регионот, истите не се целосно искористени, а тоа е зошто Крушево се вбројува во недоволно развиени општини. Развојната цел на општината е промоција на градот како туристички центар. Ова ја нагласува потребата за брзо решавање на проблемот со собирање на сметот што ќе биде од користи и за јавното комунално претпријатие и општината, а најмногу за граѓаните и посетителите на градот. Проблем со собирање на сметот е одамна јасно дефиниран во двете општини, но се уште постои, пред сè, поради финансиската слабост на јавните комунални претпријатија во Крушево и Демир Хисар. Само со соодветни опремени специјални возила за собирање на сметот ќе може да се реши проблеми со собирање на сметот, а со тоа општините да ја исполнат својата законска обврска. ЈП „Комуна“- Крушево, ЈП „Комуналец“- Демир Хисар, како и комуналното претпријатие во општина Кривогаштани, не се во можност да одговорат навремено на барањата на граѓаните за собирање и транспорт на цврстиот комунален одпад. Собирањето на сметот се врши со возила кои се со застарена технологија а и со возила во дотраена состојба. Реализацијата на проектните активностите ќе придонесат за: - поголема заштитата и унапредување на животната средина во општините Крушево, Демир Хисар и Кривогаштани. - ефикасни и ефективно собирање и транспорт на цврст комунален отпад во Крушево и Демир Хисар и по потреба во општина Кривогаштани, - подобрување на ефикасност и ефективноста во функционирањето на ЈП „Комуна“- Крушево и ЈП „Комуналец“- Демир Хисар и повремено во комуналното претпријатие во општина Кривогаштани.