ПРОЕКТ ДЕТАЛИ

Од осамостојувањето на Р.Македонија до денес, многу малку се вложувало во изработка на Урбанистичка документација во селата од страна на општините и државата. Таквиот пристап во многу придонесе економскиот и демографскиот развој во Р.Македонија да тргнат во еден несакан правец, каде во краток временски период ни се случи миграцијата град-село, а со тоа зголемија диспаритетите во планските региони помеѓу урбаните средини и селата. Непостоењето на урбанистичка документација за селата придонесе за зголемување на диспаритетитет во развојот на целата територија на регионот и се оневозможи развој на истите, се намали можноста за вложување во развој на селата од страна на општините, населението кое живее во селата како и други инвеститори кои би сакале да инвестираат во развој на земјоделието, изградба на воздушна бања во Крстец и други алтернативни форми на туризам во селата. Во наведените целни подрачја во изминатите 10 години е забележана зголемување на бројот на локалното население и миграција на дел од градското население од Прилеп со изградба на нови објекти во вид на куќи за живеење и викендици, појавата на сертифицирани органски производители, зголемениот бројот на домаќинства од Ореовец кои побарале приклучок на водоводната мрежа која ја презеде на управување ЈКП „Водовод и канализација“ Прилеп, бројот на домаќинства од Крстец кои пројавиле интерес за рехабилитација на водоводната мрежа, со што се наметнува потребата за изработка на урбанистичка документација за селата Ореовец и Крстец. Со реализацијата на проектот „Изработка на урбанистички планови за селата Ореовец и Крстец“ ќе се овозможи кон подобро интегрирање на селата во целокупните стратегии за развој на регионот од аспект на зголемување на бројот на население во целните подрачја, развој на органското земјоделие, развој и унапредување на алтернативните форми на туризам, и целокупнитот развој на селата преку овозможување на основа за понатамошни вложувања од страна на општината во развој и подобрување на комуналната и патна инфраструктура. Општина Прилеп во изминатите години постојано вложува во изработка на урбанистичка документација, паралелно со урбаната средина на градот Прилеп и за селата во општина Прилеп. Изборот на селата Ореовец и Крстец за кои сега сакаме да изработиме урбанистичка документација не е случаен, и со реализирањето на предлог проектот ќе задоволиме две приоритетни мерки, и тоа: - Оптимално користење и валоризација на природните ресурси и енергетските потенцијали во планските региони; - Градење на функционално-просторни структури за подобро интегрирање на урбаните со руралните средини во плански региони;