ПРОЕКТ ДЕТАЛИ

Општина Радовиш, како и повеќето општини во Република Македонија во минатото а и денес, и покрај зацртаните стратешки приоритети, многу малку има посветено внимание на изработката на комплетна техничка документација (основни проекти, ревизии и елаборати/документи за заштита на животната средина), посебно во делот на развојот на селата. Пред се тоа се должи на лимитираноста со финансиските ресурси за оваа намена. Наша оценка е дека немањето на соодветна техничка документација во руралните средини е еден од главните причинители за појавувањето на диспаритетот во развојот во однос урбани-рурални средини, пред се во потребата од изградба на јавни објекти (патишта, јавни згради и др.). Преку непоседувањето на соодветна техничка документација за изградба на улици и одредени други објекти во населените места во општината практично не постои можност за нивен развој бидејќи техничката документација е основата за да може да постои одредена игадба и подобрување на условите за живот во населените места особено во овој случај во населеното место село Калуѓерица кое се наоѓа на 12 километри од административниот центар на општината, градот Радовиш. Секакок поради продолжување со ефективниот економски развој, искористувањето на спецификите на населените места во нашата општинаа и сл. со изработката на комплетната техничка документација за дел од улиците во ова населено место ќе се овозможи подобра пристапност која ќе овозможи брз економски развој на ова развојно подрачје до што секако ќе се допринесе и да биде подобрен развојот на целокупниот регион. Уживател/корисник на резулатите ќе бидат директно граѓаните на населеното место Ињево, а, индиректни корисници сите граѓани на општина Радовиш и Југоисточниот регион. Опфатеното подрачје кое ќе биде покриено со техничка документација која понатаму може да биде аплицирана во европските фондови, донаторските куќи, владините програми.