ПРОЕКТ ДЕТАЛИ

Општина Македонски Брод, според своите зацртани стратешки приоритети, има посветено внимание на изработката на комплетна техничка документација, посебно во делот на развојот на патната инфраструктура за и во руралните места од својата територија. Но, со оглед на фактот дека на територијата на целата општина има вкупно 52 населени места и локална патна мрежа со должина од вкупно 230 км. а финансиските средства за оваа намена се доста лимитирани, изразена е силна потреба од финансиска помош за изработка на техничка документација за изградба на локалните патни правци од с. Модриште до с. Вир, и од с. Брезница до с. Тажево, а особено и за изработка на проектна документација за изградба на улици во селата Црешнево, Брест и Суводол. Овие населени места Модриште, Вир, Брезница и Тажево не се интегрирани со асфалтиран пат во склоп на општината, а со тоа и во регионот, со што се јавува диспаритет во развојот на селата во регионот и републиката, додека пак во селата Црешнево, Брест и Суводол , особено силна е потребата за изградба на селската улична мрежа, со што и овие села би добиле современ и урбан изглед и би се подобриле услугите на граѓаните. Општина Македонски Брод нема изработено комплетна техничка документација на локалните патни правци од с. Модриште до с.Вир, и од с.Брезница до с. Тажево,ка ко и за изградба на улици во селата Црешнево, Брест и Суводол, а тоа оневозможува Општината да аплицира до одредени домашни и странски фондови за прибирање на финансиски средства за реализација на проектите за изградба на овој патен правец.