ПРОЕКТ ДЕТАЛИ

Општина Вевчани е единица на локална самоуправа која се наоѓа во Југозападниот плански регион на Република Северна Македонија, со вкупно население од 2.433 според последниот официјален попис од 2002 година со вкупна површина од 35км2 и едно населено место. Општина Вевчани е една од најмалите општини во државата, со буџет кој не е доволен дури и за покривање на тековните трошоци од работењето, односно една од финансиски најслабите локални самоуправи со статут на рурална општина. Вевчани изобилува со природни богатства и културно наследство и претставува препознатлива туристичка дестинација. Во септември 2019 година беше усвоен „Планот за управување со заштитено подрачје Споменик на природата Вевчански извори“, во кој главна заложба е заштита и унапредување на животната средина и биодиверзитетот во заштитеното подрачје. Меѓутоа, како најмала рурална општина со едно населено место, локалната самоуправа се соочува со бројни предизвици и потешкотии во остварувањето на усвоените стратешки цели и своите надлежности, особено поради малиот и ограничен буџет со кој располага општината и недостиг на стручен кадар. Поради ова, општината е приморана изградбата на основната инфраструктура со цел создавање на квалитетни услови за живот на локалното население да ги обезбедува со финансиски средства од централната власт, други домашни или меѓународни институции.Изградбата, реконструкцијата и модернизацијата на комуналната инфраструктура е главна стратешка цел на локалната самоуправа. Преку реализација на голем број проекти изградени се и реконструирани голем број на локални улици и канализациони линии. Потребни се дополнителни инвестиции за изградба на нови и реконструкција на постоечките дотраени и нефункционални канализациони линии со цел добивање на нов и функционален канализационен систем. За постигнување на овие цели општина Вевчани вложува огромни напори за обезбедување на средства за изработка на техничка документација. Неопходност од реализација на овој проект е предуслов, бидејќи преку проектната единица во Министерството за транспорт и врски обезбедени се средства за реконструкција на патот Трафо - Бубаној - Смолејца кој е во страотно лоша состојба, многу оштетен и кој не би можел да се реконструира без прво да се реализира овој предлог проект, односно како услов неопходно е реконструкција на фекалната канализациона линија Трафо - Бубаној - Смолејца. Од овие причини неопходна е реализацијата на овој предлог проект за „Реконструкција на фекална канализација на улица Трафо-Бубаној-Смолејца“ - Фаза 2, во должина од 160 метри кој е и во корелација со изградбата на пречистителната станица во Вевчани, веќе делумно завршен е и дел Фаза 3 од вкупниот предлог проектот, како и Фаза 1 за која е аплицирано на повикот за „ Развој на подрачја со специфични развојни потреби 2020 “. Од овие причини реализацијата на овој проект има двојно значење. Прво овозможување на квалитетен живот и одведување на фекалните отпадни води, како и овозможување на реализација на другиот