ПРОЕКТ ДЕТАЛИ

Општина Новаци како рурална општина со своите 752 км2 е една од поголемите рурални општини по површина во нашата држава, каде во составот на општината се 41 населено место, сите од селски рурален тип. Покрај другите надлежности, посебен проблем за општината претставува законската обврска за обезбедувањето на бесплатен превоз на учениците со што учениците од оваа општина се соочуваат со потешкотии при остварување на нивното основно право за образование. Во општина Новаци функционира едно Централно општинско основно училиште и осум подрачни училишта од кои во с.Бач е деветооделенско, а останатите се петтооделенски. Проблемот се состои во обезбедувањето на бесплатниот превоз на учениците пред се поради малиот број на ученици и големата оддалеченост од општинскиот центар. Проблемот се усложнува уште повеќе ако се погледне патната мрежа во општината ќе се заклучи дека не постои еден патен правец кој би водел до општинскиот центар Новаци, односно до деветоодделнското училиште во с.Бач. Имено како посебни патни правци се издвојуваат: А. До ЦООУ Славко Лумбарковски во Новаци: -Прва линија од селата Далбеговци, Долно и горно Агларци и Добромири до Новаци. -Втора линија од селата Маково, Рапеш (Арматуш) до Новаци. -Трета линија од с.Тепавци до с.Новаци. Трета линија од Гнеотино и Рибарци до с. Новаци. Б. До подрачно деветоодделенско училиште во с.Бач. - Прва линија од с.Гермијан до с.Бач. -Втора линија од с.Живојно (Добровени и Брод) до с. Бач. Треба да се нагласи дека незаинтересираноста на економските оператори-превозници произлегува пред се од малиот број на ученици каде на повеќето линии за 2-3 ученици треба да се ангажира возило за кое и за 2-3 ученици и за 10 или повеќе ученици трошоците се исти, факт кој неколкукратно ја зголемува цената за превоз по ученик за општината, која дотациите за превоз ги добива по број на ученици. Исто така во цената многу влијае и фактот што нема локални превозници и превозот го вршат превозници од Општина Битола и поради т.н.,,празен од,, цената неколкукратно се зголемува (пример за превоз во с.Бач превозникот мора да помине повеќе од 40 км, за да изврши превоз од 5-10 км кој се признава како прифатлив трошок). Дополнително, проблемот уште повеќе се усложнува бидејќи општина Новаци приморана е да врши превоз на учениците во средно образование. Имено поради економската незаинтересираност на превозниците, општина Новаци приморана е од помалите села да врши превоз на учениците во средно образование до Новаци, односно до с.Кременица од каде се превземаат од превозниците ангажирани од општина Битола и ги носат учениците во Битола каде што се образоваат во некои од средните училишта. Тука е значајно да се нагласи и дека во Битола средното образование го обавуваат сите млади средношколци од општините Могила и Новаци бидејќи овие рурални општини немаат свои средни училишни центри. Покрај тоа што сето погоре наведено е актуелен и горлив проблем на општина Новаци и општина Могила, истиот претставува и проблем на Општина Битола затоа што на нејзината територија се одвива средното образование и имаат надлежност да обезбедуваат бесплатен превоз. Во однос на обезбедувањето на еднакви услови и услуги за сите жители во регионот и намалување на диспаритетот помеѓу руралните и урбаните центри, проблемот со обезбедувањето на навремен и функционнален превоз за овие дечиња-ученици дополнително ја зголемува таа празнина и жителите уште повеќе ја чувствуваат потешкотијата при остварување на социјалните и образовните услуги. Во овој случај и општината има потешкотија да ги извршува своите надлежности и жителите не ги чувствуваат бенефитите од напорите на надлежните за обезбедување на еднакви можности и услови за сите жители при обезбедување на социјалните и образовните услуги. Со овој проект се придонесува кон решавање на проблемот и овозможување на услови за овозможување на социјални услуги од регионален карактер.