ПРОЕКТ ДЕТАЛИ

Постоечката состојба на двата патни правци е несоодветна за да може да се рече дека се во добра состојба за извршување на својата намена, корисниците на овие патни правци секојдневно се соочуваат со проблеми во однос на нивната проодност. Патот од с. Пашино Рувци до Регионален пат Р 2339 има должина од 1315,26м и претставува врска помеѓу (Лагово - Воѓани – Бучин – Демир Хисар). Патот има земјен коловоз со големи деформации така што движењето на граѓаните и одвивањето на сообраќајот се одвива со големи тешкотии. Овој патен правец има големо значење за жителите на општина Кривогаштани и поширокиот регион бидејќи претставува врска на жителите од с. Пашино Рувци и околните населени места од Кривогаштани со регопналниот пат од Прилеп за Демир Хисар. Со реконструкцијата на овој патен правец ќе се скрати патот на жителите кои патуваат преку локалниот пат Чепигово -Пашино Рувци до Прилеп за околу 2,5км. Ќе се подобри поврзаноста на жителите од населените места кои гравитираат на општината Кривогаштани и соседните општини Прилеп и Демир Хисар и ќе се овозможи подобрен проток на стоките и услугите кои се нудат на регионалниот сточен и зелен пазар во Кривогаштани. Исто така жителите кои доаѓаат преку регионалниот пат Р2339 од населените места Кадино Село, Галичани, Лагово и останати од општина Прилеп и одат кон Чепигово, Тројкрсти, Тополчани до магистралниот пат Прилеп-Битола можат да го користат овој скратен пат и да ја избегнат фрекфенцијата на постоечкиот регионален пат. Со проектот е опфатена фаза 3 во должина од 383 м со што се врши надополнување на претходните веќе завршени фази. Овој патен правец има најголемо значење за жителите на општините Кривогаштани, Прилеп, Крушево и Демир Хисар. Во општина Долнени се работи за патен правец во н.м Лажани во должина од 1103м кој во мал дел е е асфалтиран пред 40 години, додека остатокот е макадам, делот што е асфалтиран е 75% оштетен а макадамот е целосно уништен, што претставува сериозен проблем за нормално одвивање на сообраќајот. Не постојат соодветни испусти, па при врнежи од дожд и снег доаѓа до поплавување а со тоа последователно се создаваат огромни количини кал кој дополнително ја намалува проодноста. Овој патен правец секојдневно го користат жителите од Лажани,Житоше, Борино, Јакреново, Саждево и Дебреште. Покрај тоа овој патен правец ги поврзува ОУ Мирче Ацев и верскиот објект Св Никола каде се наоѓаат и гробишта со регионален патен правец Р2335, а преку него со остантите населени места во општина Долнени и соседните општини Кривогаштани, Прилеп и Македонски брод. Сето наведено дава значителен социјален и економски аспект на овој патен правец.