ПРОЕКТ ДЕТАЛИ

Управувањето со комуналниот отпад во нашата држава, и покрај обидите за унапредување е генерално на многу ниско ниво, односно управувањето со отпадот се сведува само на негово собирање и депонирање. Општините Демир Хисар, Ресен и Прилеп не се исклучок од оваа констатација. Исто така и несоодветното третирање на биоразградливиот отпад односно органскиот отпад е причинител на создавање на таканаречените “Green House” гасови (метан) кои се причинители на ефектот на стаклена градина. Исцедокот кој се создава при неконтролираното разградување на органската фракција од комуналниот отпад е причинител на загадувањето на површинските и подземните води што пак понатамu води кон загадување на почвата, земјоделските производи итн. Според член 22 од Закон за локална самоуправа – општините се одговорни за собирање и транспорт на комуналниот отпад од населените места. Оваа обврска Општините Демир Хисар, Прилеп и Ресен ја имаат делегирано на јавните комунални претпријатија кои функционираат во рамките на нивните општини. За да може истите да ја извршуваат оваа надлежност успешно потребно е контејнерите и останатите садови за отпад навреме да се празнат и да се зачува чиста околината на контејнерите помеѓу празнењата како и да се чистат навремено улиците. Реализацијата на проектните активностите ќе придонесат за: - поголема заштитата и унапредување на животната средина во општините Демир Хисар, Прилеп и Ресен. - ефикасни и ефективно собирање и транспорт на цврст комунален отпад - подобрување на ефикасност и ефективноста во функционирањето на јавните комунални претпријатија од општините Прилеп, Ресен и Демир Хисар.