ПРОЕКТ ДЕТАЛИ

Општина Кисела Вода е една од скопските општини која се издвојува поради комбинираниот состав на урбано-рурална средина (60 % е урбан дел, а голем процент односно 40 % е рурален дел). Вкупната површина на општина Кисела Вода изнесува 46,86 км2, која зафаќа делови од скопската котлина, од десната страна на реката Вардар. Составен дел на општината се вкупно 14 Месни заедници, односно населени места, од кои 8 се урбани, а 6 се рурални месни заедници. Дополнително во склоп на Општина Кисела Вода и официјално егзистираат две села - Село Усје и село Драчево. Општината граничи со 3 урбани општини - Општина Аеродром, Општина Центар и Општина Карпош и со две рурални општини - Општина Студеничани и Општина Сопиште. Според последниот официјален попис за население во Република Македонија на територијата на Општина Кисела Вода живеат вкупно 57.236 жители. Стапката на природен раст изнесува 4,2 % и брои 17,577 домаќинства, 20,237 станови. Просечната густина на населението изнесува 99 жители на км. Потребата од реализација на проектот подразбира решавање на проблемот со заштита на животната средина (одржување на јавната чистота на сервисните и станбени улици во село Усје и село Драчево, кои се тешко пристапни за механизацијата со која располага ЈП Комунална хигиена на Град Скопје), а со тоа намалување на надворешни влијанија кои се извори на загадување. Иницијативата за набавка на товарното возило - чистач под висок притисок, е голем чекор во потребата за поголема грижа за унапредување на човековата околина и заштита на животната средина. Подигнување на јавната свест кај граѓаните за начинот на кој може да се делува и активностите кои треба да се преземат во зачувување на здрава животна средина. Да не дозволиме ваквите појави да "живеат" во нашата средина и како главна цел на овој проект е подобрување и унапредување на условите за живот како и високиот квалитет и стандард на урбаното живеење и во руралните делови, урбано живеење за сите граѓани на територија на Општина Кисела Вода. Со проектот се преземаат мерки за подигнување, подобрување на еколошката свест на локалното рурално население.