ПРОЕКТ ДЕТАЛИ

Туризмот како економска категорија во РМ е најслабо развиен токму во Североисточниот плански регион. Ова слаба страна сепак е и можност при стратешкото планирање на политиките за натамошен развој во СИПР се започне со заеднички настап на сите општини и други чинители во самиот почеток на процесот. Негативните резултати од анализата за развој на планскиот регион ги дефинира: недоволниот капацитет ( сместувачки, уредување на природни, културни и историски знаменитости и сл.) и неадекватната организираност на релевантните субјекти кој имаат потенцијал за развој на туризмот во Североисточниот плански регион. Во таа насока Центарот за развој на Североисточниот плански регион (ЦРСИПР) по спроведени механизми на взаемна соработка и издвојување на заеднички приоритети и настап на ниво на планскиот регион, го промовира овој проект како проект кој нуди реални можности за надминување на негативните резултати, преку квалитетна понуда и добро организирани туристички рути. Базирајќи се на фактите во поглед на состојбите за развој на туризмот и тоа дека културното – историско и природното наследство претставува основа врз која во голем дел се темели туристичката понуда на некое место, регион, држава или пошироко, а во тој поглед овој регион изобилува со разни содржини кои до сега беа недоволно презентирани и слабо посетени и земајќи ги сите специфични геопросторни, демографски, културни и други аспекти во предвид , еден од најадекватните иницијални начини за туристичко активирање на овој регион е преку промовирање на уникатни и препознатливи регионални туристички рути. “ Овој проект чија основна цел е развој на туризмот, ќе има значајна улога во економскиот развој преку создавање на услови за нови инвестиции во туризмот (се отвораат можности за постоечките угостителски објекти да мобилизираат лица од селските средини кои ќе подготвуваат гастрономски специјалитети од регионот и на тој начин ќе го зголемат својот економски и финансиски инпут, а воедно и ќе мотивираат млади од руралните подрачја да делуваат во поставениот синџир кој овој проект го креира). Ќе се создадат претпоставки за креирање на нови работни места и промоција на културните вредности и природните богатства на Североисточниот плански регион. Можноста од инвестиции и воспоставување на јавни-приватни партнерства за отворање на нови угостителски туристички објекти и содржини е присутен бидејќи проектот ќе создаде основа за понатамошен развој, а секоја нова и поразлична понуда ќе биде од интерес на регионот. Присутни се и можностите за инвестиции во областа на занаетчиството , сувенирници, нови бензински пумпи, мотели и сл. Мора да ја споменеме и можноста од развој на дополнителни фази кои вклучуваат други содржини во насока на бањскиот или друг туризам кој ќе биде во насока на збогатување на туристичката содржина која со овој проект ќе биде креирана. Непристапност кон важни атрактивности во СИПР како и непостоењето и недоволен број на сместувачки капаците, се проблем кој со постигнатите резултати од спроведените активности во овој проект: Ќе го олеснат пристапот кон важни туристички атрактивности во регионот; Ќе ја зголеми атрактивноста на локалитетите; Ќе се создадат услови за идни инвестиции. Со реализација на активностите од проектот проблемот делумно но и значително ќе се надмине и ќе создаде претпоставки за иден развој на туристичките локалитети преку развивање на други заеднички предлог-проекти на општините во регионот.