ПРОЕКТ ДЕТАЛИ

Туризмот како економска категорија во РМ е најслабо развиен токму во Североисточниот плански регион. Ова слаба страна сепак е и можност при стратешкото планирање на политиките за натамошен развој во СИПР се отпочне со заеднички настап на сите општини и други чинители во самиот почеток на процесот. Негативните резултати од анализата за развој на планскиот регион ги дефинира: недоволно развиена основна туристичка инфраструктура и капацитети(уредување на природни, културни и историски знаменитости, сместувачки капацитети и сл.) и неадекватната организираност на релевантните субјекти кој имаат потенцијал за развој на туризмот во Североисточниот плански регион. Во таа насока Центарот за развој на Североисточниот плански регион (ЦРСИПР) по спроведени механизми на взаемна соработка и издвојување на заеднички приоритети и настап на ниво на планскиот регион, го промовира овој проект како проект кој нуди можности за надминување на негативните резултати, преку квалитетна понуда и подобрена ттуристичка инфраструктура. Базирајќи се на фактите во поглед на состојбите за развој на туризмот и тоа дека културното – историско и природното наследство претставува основа врз која во голем дел се темели туристичката понуда на некое место, регион, држава или пошироко, а во тој поглед овој регион изобилува со разни содржини кои до сега беа недоволно презентирани и слабо посетени и земајќи ги сите специфични геопросторни, демографски, културни и други аспекти во предвид , еден од најадекватните иницијални начини за туристичко активирање на овој регион е преку промовирање на уникатни и препознатливи туристички атрактивности. Советот за регионален развој со давање на приорите на овој проект гледа можност за подобрување на туристичката понуда на Кратово, а со тоа и на целиот регион.