ПРОЕКТ ДЕТАЛИ

Селото Градец се наоѓа во средишниот дел на територијата на општина Крива Паланка односно на десната страна по течението на Крива Река. Од самиот град Крива Паланка недалеку во западен правец селото Градец односно населбата Мизовски Ливади се наоѓа на одалеченост од околу 5км. Во селото на одалеченост од околу 7км се наоѓа црквата Св. Никола од 19 век, училиште кое е преадаптирано во сместувачки капацитет , испосничката карпа во која живеел пустиножителот Св.Јоаким Осоговски пред да се смести во месноста Бабин Дол, каде денеска се наоѓа неговиот манастир и археолошкиот локалитет Градиште. Селото Градец односно населбата Мизовски Ливади има добро решена електрична мрежа, водоснабдувањето се прави од индивидуални бунари , додека недостасува основна комунална инфраструктура односно немаат содветни системи за прифат и одведување на отпадните води. Еден дел од населбата (околу дваесетина објекти) кои гравитираат во близина на магистралниот пат А2 имат изведено канализациона мрежа за отпадни води додека во поголемиот дел од населбата одведувањето на отпадните води се прави во индивидуални септички јами кои што се непрописно изградени и претставуват потенцијален извор за загадување на почвата, подземните води како и водите на Крива Река. Населението во овој дел вонглавно се занимава со обработка на земјиштето и овоштарство.Недостатокот на комуналната инфраструктура претставува една од главните причини за недоволен рурален развој и привлекување на инвеститори за оваа населба во с.Градец. Со реализација на проектот Изградба на канализациона мрежа за отпадни води крак К2 за овој дел од с. Градец ќе се придонесе за унапредување на квалитетот на животот преку создавање на санитарно-здравствени услови за живеење преку спречувањето од испуштање на опасни штетни материи и супстанции, загадување и друг вид на деградација на животната средина а сето ова води кон надминување на развојните потешкоти на оваа населба во село Градец