ПРОЕКТ ДЕТАЛИ

Поради специфичните потреби на населеното место Младо Нагоричане-Маала Џобинции населеното место Добрача, потребно е изградба на локален пат . Со изработената техничка документација полесно се доаѓа до изградба на патот до с. Добрача и реконструкција на патот до маала Џобинци. На подрачјето на кое се планира изградба и реализација на истите патишта во моментов има многу лоши услови за движење. Поради преголемите оштетувања движењето по постоечките патишта е отежнато и покрај сите досегашни активности и напори на општина Старо Нагоричане за поправка на истите. Населението од маала Џобинции с. Добрача кога има обилни врнежи од дожд и снег не е во можност да се движи со сопствените моторни возила поради лошата состојба на патот. Не постојат ниту елементарни услови овие населени места да бидат поврзани со директни линии за превоз на патници со општински центар во Старо Нагоричане и најблискиот град Куманово. Дистрибуцијата на сточарските и земјоделски производи е отежната заради лошите патишта и можноста за расипување и уништување на истите поради лошите услови на патиштата. Како крајни корисници од целосното завршување на овој проект ќе бидат сите жители во овие населени места,а и жителите на другите околни населени места кои имаат потреба и ги користат овие патишта. Уживатели на резултатите од проектот ќе бидат 300 жители и уште 200 други жители кои гравитираат или имаат потреба од користење на овие патни правци.