ПРОЕКТ ДЕТАЛИ

Општина Росоман е сместена во средишниот дел на Р. Македонија. Централното подрачје на оваа општина и близината на автопатот придонесуваат кон нејзината поволна географска положба, односно низ самата централна населба Росоман минува патниот правец Р-106 кој преку Прилеп и Битола, води до Охрид. Нејзината локација нуди неверојатни можности и потенцијали за развој на рурален и транзитен туризам, токму поради мирното пространство кое е опкружено со извори на природна минерална вода Пеливар 1 и Пеливар 2, како и рудникот Руен кој што изобилува со многу редок вид на розов мермер. Истиот, несомнено, претставува значителен ресурс за економски развој и напредок во овој микро-регион. Поволните климатски услови во општината претставуваат основа за одгледување на сите градинарски и раноградинарски култури, со посебна препознатливост на праските, чии плантажи изобилуваат. Росоман е село кое што се наоѓа во Росоманското Поле, по долното течение на Црна Река. Низ Росоман поминува патниот правец Р-106 кој, преку Прилеп и Битола води за Охрид, а до сите населби постојат локални асфалтирани патишта. Населбата е оддалечена 13 километри северно од Кавадарци, 22,5 северозападно од Неготино и 32 километри северно од Велес. Потребата од уредувањето на овој простор кој е предмет на поставување урбана опрема е голема за жителите на општина Росоман со што ќе добијат вистинско место за поминување на слободното време со збогатени културни содржини, местото ќе се користи и за културни манифестации. Со проектот ќе се подигни стандардот на жителите но и ќе се подобри ризикот од собраќајни незгоди, но и локацијата во моментов руиниранирана.