ПРОЕКТ ДЕТАЛИ

Општина Чешиново-Облешево е рурална општина со неразвиена инфраструктура. Општината брои 14 населени места. Повеќето од населените места имаат неизградени водоводни системи и неизградени канализациони системи. Улиците во скоро сите населени места се неасфалтирани - макадам а и оние кои се асфалтирани се скоро уништени. Во разговор со локалното население како приоритетен проект за реализација е наведено изградба на улици во сите населени места. Советот на општината разгледувајки ги овие проблеми на граѓаните одлучи како приоритет во реализација да бидат ставени улиците во населените места Облешево - седиштето на општината и Чешиново второ по големина населено место во општината каде има сконцентрирано многу бизниси. Како приоритет се ставени улицата Едвард Кардељ во Облешево и улицата Александар Македонски во Чешиново, улици кои во моментов се во налоша состојба и каде е сконцентирано поголем број на домакинства. Со изградбата на улиците во голема мера ќе се подобри квалитетот на живеење на граѓаните од овие населени места. Исто така ќе се подобри безбедноста на движење на пешаците и возачите, а со тоа ќе се намалат и сообраќајните незгоди.