ПРОЕКТ ДЕТАЛИ

Проектната област е лоцирана на падините на планината Јабланица во истоименото село ј Јабланица кое припаѓа на подрачјата со специфични развојни потреби. Селото брои околу 600 жители и претставува рурална средина од планински тип со големо растојание помеѓу објектите за домување. Во селото функционира централно основно училиште , каде учат деца на возраст од 6 до 14 години. Во објектот во кој е сместено основното училиште не постои изграден тоалет, односно постојат импровизирани тоалети надвор од објектот со што се отежнати условите за одржување на лична хигиена на учениците, а и хигиената внатре во самиот објект. Со реализација на проектните активности предвидени со овој предлог - проект ќе се реши овој подолготраен проблем и ќе се подигне квалитетот на образовниот процес во образовната установа, а напоредно со тоа и спречување на појава и ширење на заразни болести предизвикани од неодржување на хигиена. Набавката на тоалети за ова основно училиште ќе овозможи одржување на хигиената без при тоа учениците да мора да го напуштаат објектот и хигиенските потреби да ги обавуваат надвор во импровизирани санитарни простории.