ПРОЕКТ ДЕТАЛИ

Патот по круната на брана Маврово е изграден со изградбата на самата брана, изведен со редени гранитни коцки, со двостран наклон. Во текот на времето водени се голем број на инсатлации како водовод, електрика. телефонија и др. со кои беше вршен ископ, вградување на инсталациите и повторно прередување на коцките. Со ова е нарушено самото одводнување на браната, што предизвикува поголеми завирувања на самата круна кое прави проблеми и на низводната косина во смисла на свлекување на хумусниот дел од низводната косина. Поради наведените причини, се појави потреба од вадење на постоечките гранитни коцки, поставување на сите инсталации во бетонски каналетки и канали, изведба на едностран наклон на браната, изведба на изводи за одводнување кон узводната страна и целосно ново асфалтирање, , имајќи во предвид дека асфалтирањето ќе го изведе ЈП Државни патишта во склоп на реализација на предвидената реконструкција на регионалниот пат од Маврови Анови до с. Маврово.