ПРОЕКТ ДЕТАЛИ

Селото Драслајца се наоѓа северно од градот Струга одалечено 6км и брои население околу 1200 жители. Селото Драслајца е поврзано со регионален пат кој поврзува уште 7 населени места со градот Струга. На почетокот на проектното подрачје се наоѓа индустриска зона која е лоцирана на местото викано Мороишки мост, во која се сместени повеќе од 30 бизниси кои вработуваат околу 1000 луѓе. Исто така на почетокот на селото се наоѓа основното училиште што претставува голем проблем за самите ученици кои треба да се движат од крајот на селото се до училиштето што е одалечено 1.7км. Поради регионалниот карактер на патот и ширината на коловозот од 5 метри, на оваа делница се забележува значително оптоварување со собраќај (возила и земјоделска механизација) и возење со голема брзина со што се зголемува и ризикот од собраќајни несреќи во населеното место. Посебно е опасно движењето на учениците од основното училиште во селата Драслајца поради тоа што покрај патот се наоѓаат каналите за иригација, со што пешаците-ученици се потполно небезбедни на овој високо фреквентен пат. Селото Драслајца се наоѓа на двете страни на регионалниот пат, а во моментот на оваа делница не постои пешачка патека по која може безбедно да се движат жителите на населеното место и вработените на индустриската зона. Пристапот до училиштето е по регионалниот пат гравитираат околу 10 села со околу 10.000 жители. Секоја година на овој патен правец се случуваат сообраќајни незгоди со човечки жртви.