ПРОЕКТ ДЕТАЛИ

Согласно Програмата за развој на Полошкиот плански регион е установено дека планираниот регионален развој ќе биде ограничен доколку се задржи постојното ниво на развиеност и квалитет на патната инфраструктура. Селото Јажинце е лоцирано во пограничниот регион на РСМ со Косово каде што согласно стратешките документи за развој на туризмот во Полошкиот Плански регион е мапирано како потенцијална локација за поставување на Туристички Инфо Центар (ТИЦ). Со реализација на овој предлог-проект ќе се направи реконструкција на постојниот земјен пат кој води до локација каде што ќе биде поставен Туристички Инфо Центар. Локалниот пат е во лоша состојба поради обилните дождови и други атмосферски влијанија, како и поради оштетувањата што се како резултат на користењето на патот од тешки теренски возила. Со реконструкцијата ќе се врати трупот на патот во потребната состојба за безбедна комуникација на населението и туристите во Полошкиот регион. Со проектот се промовира регионалната соработка со околните општини Теарце и Желино и индиректно со целиот Полошки регион.