ПРОЕКТ ДЕТАЛИ

Локалниот пат од село Сушички мост до депонија Русино Општина Гостивар се наоѓа во многу тешка состојба. Патот е изграден пред многу години и неколку пати се направени интервенции, но тие не влијаеле на решавање на проблемите за подобар пристап до регионалната депонија Русино. Асфалтот е потполно амортизиран, јасно видливи се големи дупки, некои делови од патот се многу тешки за поминување и ЈКП-а од општините во ППР со соочуваат со многу големи проблеми кога го транспортираат цврстиот отпад до депонијата. Поради лошата состојба во која се наоѓа локалниот пат, ЈКП-а од општините на ППР се соочуват и со голем број на дефекти и други дополнителни трошоци за одржување на транспортните средства. Поради големата количина на отпад која често во зимскиот период завршува покрај патот, наместо во депонијата Русино, токму поради непристапноста до истата, локалното население е изложено на зголемена загаденост и појава од заразни болести. Како значаен проблем од страна на локалното население е истакнато и тоа дека тие престанале да се занимаваат со земјоделие бидејќи отпадот кој завршувал надвор од депонијата има штетно влијание врз земјоделските култури. Со реализирањето на овој проект, сите погоренаведени причини ќе бидат отстранети и значително ќе се подобри развојот во регионот. Со реализирање на проектот се предвидува: 1. Изработка на физибилити студија за можни изведби за пробивање на алтернативен пат од магистрала Гостивар-Кичево до депонија Русино 2. Изработка на Проект за инфраструктура: - Геодетски елаборат за ажурирана подлога - Елаборат за животна средина 2. Геодезија 3. Геолошка проспекција 4. Изработка на основен проект Л= 3,0 км