ПРОЕКТ ДЕТАЛИ

Поради потребите на населеното место Младо Нагоричане-Маала Џипунци,потребно е да се реконструира локалниот пат според основниот проект за Реконструкција на локален пат во с.Младо Нагоричане маала Џипунци, Општина Старо Нагоричане. На подрачјето на кое се планира да се реализира реконструкцијата на патот, во моментов има многу лоши услови за движење. Поради преголемите оштетувања движењето по постоечкиот пат е отежнато и покрај сите досегашни активности и напори на општина Старо Нагоричане за поправка на истиот. Населението од маала Џипунци поради лошата состојба на патот немаат ниту елементарни услови ова населено место да биде поврзано со директни линии за превоз на патници со општински центар во Старо Нагоричане и најблискиот град Куманово. Дистрибуцијата на сточарските и земјоделски производи е отежната заради лошиот пат и можноста за расипување и уништување на истите поради лошите услови на патот. Како крајни корисници од целосното завршување на овој проект ќе бидат сите жители во ова населено место, а и жителите на другите околни населени места кои имаат потреба и го користат овој пат. Уживатели на резултатите од проектот ќе бидат 120 жители и уште 200 други жители кои гравитираат или имаат потреба од користење на овој патен правец Со реконструкцијата на овој локален патен правец се создаваат можности за развој на локалното претприемништво и раст и развој на локалната економија на парцелите покрај патот, а кои поради близината на магистрален пат А2 имаат одлични предиспозиции за зголемување на економскиот раст во општината.