ПРОЕКТ ДЕТАЛИ

Населеното место с. Корешница во општина Демир Капија е најголемото населено место со вкупно број на жители 382 (попис 2002) и едно од населените места каде што нема иселување на жителите, туку постои населување на нови жители од поблиското с.Челевец. Населението е со мешан етнички состав и во с.Корешница живеат Македонци, Турци и Срби. Улиците бр.1 и бр.2 во село Корешница се земјени улици, со дефинирана траса, но со недоволна ширина на коловозот Овие улици водат до подрачното основно училиште во с.Корешница, во кое што учат 52 ученика од прво до петто одделение. Исто така двете улициводат и до локалниот пат до соседното село Челевец. Поради овие причини, како и дека се работи за населено место чие што население се занимава со земоделие и користи земјоделска механизација, движењето по овие две улици е доста фрекфентно. Поради недоволната ширина на коловозот сообрајќајот по улица бр.1 и улица бр.2 на одделни места по нивната траса се одвива отежнато и не е безбедно како за возилата така и за пешаците. Со планираните активности за асфалтирање на улиците бр.1 и бр.2 ќе се придонесе не само кон зголемување на безбедноста во сообрајќајот и движењето на пешаците, туку и кон намалување на создавањето на прашина од движењето на возилата, а со тоа и намалување на загадувањето на околината.