ПРОЕКТ ДЕТАЛИ

Селото Тремник се наоѓа на одалеченост од 11 км од општина Неготино со околу 827 жители(според пописот 2002 год.) , на надморска висина од 120 м, и површина од 12,8 км2 . Значајната местоположба која ја има с.Тремник, на крстопатот на повеќе важни патишта во срцето на Повардарието и Тиквешијата условила во него да има живот и население уште од дамнешни времиња. Село Тремник е претежно со македонско население, а во помал процент има Турско и Српско население. .Во ова село има едно подрачно основно училиште кое е дел од општинско основно училиште „Гоце Делчев“ -Неготино , со настава до 5 одделение кое опфаќа околу 45 деца и детска градинка со околу 15 дечиња. Врз основа на Извештаите од терен од Комуналните редари на општина Неготино, при увид на лице место е утврдено дека парцелите КП 3719 и КП 3713 кои што со Општиот акт за с.Тремник се предвидени за спорт и рекреација на населението е природно озеленет простор со висока шума-дрвја и зеленило -тревни насади, а во моментот е неуреден простор и место за фрлање на отпад. Намерата е преку овој предлог-проект да се добие современа и уредена паркова површина која ќе биде пријатно место за рекреација и користење на слободното врреме за сите генерации од ова населено место.Уште повеќе што близината на оваа паркова површина е непосредно до подрачното училиште(во склоп на училиштето е и детска градинка ) со што за децата и учениците ќе се создаде пријатна и здрава средина на отворено со можност за реализација на настава во приода и реализирање на разни спортски,рекреативни и други воспитно- образовни содржини на отворено.