ПРОЕКТ ДЕТАЛИ

ЈКП „Комунална хигиена“ е основано од Општина Македонски Брод во 2015 година. Главните надлежности на претпријатието се: управување со цврст отпад, одржување хигиена на јавни површини, локални патишта и улици како и управување со градските гробишта. Во моментов ЈКП „Комунална хигиена“ врши услуги за собирање на отпад во едно многу старо отворено возило трактор ТАФЕ-42 и едно амортизирано специјално возило за собирање на комунален отпад- камион Мерцедес 226, но што се однесува до опремата и возилата за одржувањето на јавната чистота и заштитата на локалните патишта и улици состојбата е доста скромна. Овој начин на отстранување на отпадот е супстандарден и крајно небезбеден поради постојаното губење на отпадот на пат кон депонијата и состојбата со одржувањето на локалните патишта и улици е загрижувачка. Имајќи ја во предвид лошата состојба на механизацијата и фактот дека може да се користи само за собирање цврст отпад, ЈКП плаќа исклучително високи трошоци за негово одржување и во исто време општината ангажира услуги за надворешни работи за редовно одржување и зимско чистење на локални патишта / улици и јавни места. Современите светски, европски и национални стандарди налагаат квалитетно управување со сите видови на отпад со што максимално би се придонесло во заштитата на животната средина и заштита на населението од заразни болести. За таа цел општината се насочи кон изнајдување на можности за решавање на овој проблем и токму од тие причини сметаме дека овие средства за овој предлог проект може да ги обезбедиме токму од оваа Програма.