ПРОЕКТ ДЕТАЛИ

Основниот проблем со кој се соочуваат граѓаните на градот Демир Хисар е недоизградената фекална канализациона мрежа. Причината заради кои истата не беше доизградена беше предвидената акумулација „Бучин“. Со измена на водостопанската основа за речен слив на Црна река и спуштање на котата на круната на браната за 10 м се овозможува изградба на инфраструктурни објекти во источниот дел од градот. Во моментов фекалните води од објектите се испуштаат по теренот или во непрописно изработени септички јами. Септичките јами не се празнат и фекалните отпадни води течат по теренот (профил бр. 2 и бр. 2.1). Исто така заради грешка во изведбата на канализационата мрежа, при врнежи од дожд доаѓа до оптоварување на линијата и поплавување на подрумот во колективна станбена зграда и Здравствениот дом „Демир Хисар“ (профил бр. 1). Заради наведеното, потребно е да се изградат краци за фекална канализациона мрежа кој ќе бидат поврзани на веќе постоечка канализациона мрежа. Со доизградбата на краците од градската канализациона мрежа ќе се спречи загадување на подземните води и почвата, ширење на заразни болести итн. Реализацијата на проектот ќе овозможи подобрување на квалитетот на живот на населението на градот Демир Хисар.