ПРОЕКТ ДЕТАЛИ

Проектот Етно парк Зрновци е предвиден да преставува еден вид Етно музеј на отворено, простор кој ќе ги опфаќа и зачувува традиционалните вредности на народното творештво и архитектура на целиот регион. Истиот се состои од три фази. Првата фаза (уредување на паркот, озеленување и поставување на урбана опрема) и Втората фаза (ограден зид и ограда, етно куќа со настрешница и етно експонати) се реализирани од страна на Центарот за развој на Источниот плански регион. Третата фаза предвидува изградба на пристапна улица со паркиралиште и сообраќајно поврзување со ул.„Илинденска“ и останата сообраќајна инфраструктура на Зрновци. Со изведбата на улицата се овозможува подобри сообраќајни врски на населеното место Зрновци и новоизградениот Етно парк и поголема безбедност на сообраќајот, имајќи предвид дека во непосредна близина се и детската градинка и повеќенаменското спортско игралиште.Вкупната должина на улицата е 154м. Со реализација на последната фаза конечно овој Регионален етно парк ќе може да се стави во функција и да им служи и на локалните жители но и на сите посетители од регионот и пошироко. Воедно овој објект ќе нуди можност за организирање на настани и манифестации од регионален значај.