ПРОЕКТ ДЕТАЛИ

Се работи за локален патен правец кој е од посебно сообраќајно и економско значение за општина Сарај, односно за населените места кои гравитираат во парк шумата Водно и по течението на река Треска (Шишево, Грчец, Крушопек, Лака ), со околу седум иљада жители. Иако се работи за многу важен патен правец, истиот се наоѓа во многу лоша состојба, не се користи за намената за која е предвиден и за која имаат потреба жителите на овие села. Напоменуваме дека по цела должина на патот се наоѓаат стотици хектари плодно обработливо земјиште од кое земјоделците од овој крај произведуваат по две култури годишно (раноградинарски култури) еколошки здрави, кои многу придонесуваат за локалниот економскиразвој на општината и за намалување на невработеноста. Исто така важно е да се напомене дека гореспомнатите села се дел од рекреативната зона Сарај-Матка, потенцирана во сите важни развојни документи како на општина Сарај така и на градот Скопје, за развој на туризмот, рекреативниот, спортскиот и т.н. а во последно време актуелизиран и надвор од нашата земја со природните убавини кои ги поседува овој предел. Селото Крушопек со Одлуката за определување на подрачја со специфични развојни потреби (Службен весник на РСМ бр.263/19) е прогласено за населено место со таков статус.