ПРОЕКТ ДЕТАЛИ

Предлог проектното решение е дел од Основниот проект за реконструкција на улица Маршал Тито во с. Смојмирово со должина од 593.70 метри додека ширината е согласно постоечките теренски услови и е предвидена за две коловозни ленти. Населеното место Смојмирово има делумно решена локлна патна мрежа која покрива поголем дел од системот на улици кои се збирни или ги поврзуваат сите домаќинства со стопанските објекти но има и се уште кои треба да се изградат. Улицата Маршал Тито во село Смојмирово започнува со формирање на раскрсница со Регионален патен правец Берово-Делчево и крајот на улицата формира раскрсница со ул. Димитар Влахов во с. Смојмирово. Карактеристично за за самата улица е е тоа што од двете страни на улицата се простираат постоечки куќи и објекти на локалното население, Самите објекти се со дворови кои се оградени делумно со бетонски ѕидови, а делумно со жичана и дрвена ограда поставениа на бетонски парапаетни ѕидови. Постоечката состојба на улицата Маршал Тито е асфалт кој се наоѓа во многу лоша состојба, со многу ископи и дупки на поедини места, за кој е потребно реконстукција со стругање и асфалтирање со битуменизиран носечки слој. Доколку продолжи со експлоатацијата моментлната состојба дополнителни ќе се влоши и ќе бидат потребни поголеми зафати и повеќе средства. Хоризонталното решение на улицата Маршал Тито во с. Смојмирово е условено од постоечката состојба и теренски услови. Новата оска треба да биде на средината. Должината на предвидениот дел за реконструкција изнесува 593,70 метри. Ширината на коловозот на улицата е предвиден од 4,50 метри, односно 2 коловозни ленти со ширина од по 2.25 метри при што се врши проширување на коловозот на улицата која воедное главна артерија и се спојува со регионалниот пат. Со овва предлог решение ќе се опфати еден поголем дел на граѓани кои ја користат улицата во с. Смојмирово и ќе се заокружи поголема целина на патна мрежа во селото со проширен коловоз. Оваа ќе придонесе кон подобрување на условите за живот во руралните места и ќе се овозможи на жителите да користат и други услуги кои се од значење за подобрување на условите во руралните средини. Со тоа ќе се подобри социјалната кохезија на жителите на оваа улица но и на остантите граѓани и посетители во с. Смојмирово. Ќе се подобри инфраструктурата при што дополнително ќе се зголеми патната мрежа. Село Смојмирово е едно од поглемите села во општината и од тие причини истото е предложено за подобрување на условите за живот и поддршка на земјоделските стопанства. Развојот на земјоделието и руралниот туризам е еден од основните столбови на кој се потпира развој на општина Берово. Поддршката на руралните населени места е од особено значење за целокупниот развој притоа имајќи го во предвид и производството на локални производи кои се специфични и атрактивни и кои придонесуваат кон развој и на други стратешки гранки како што е на пример туризмот во општината. Изградбата на предложенеото проектно решение ќе биде во периодот од 6 месеци. Бидејќи градежната сезона во Општина Берово има пократок временски период, дел од изведбата зависи од позитивни надворешни температури.