ПРОЕКТ ДЕТАЛИ

Општина Вевчани е најмалата единица на локална самоуправа лоцирана во Југозападниот плански регион. Како и останатите рурални општини, општината секојдневно е соочена со голем број на предизвици меѓу кој најголем предизвик е изградбата на локалната комунална инфраструктура која во целост ќе ги задоволи потребите на локалното население. Иако е остварен значителен напредок во изградбата на локалната инфраструктура, односно изграден е водоснабдителен систем за целата населба, изградени се 95% од канализационите мрежи во населбата, во најголем дел изградена е локалната патна инфраструктура, постојат одредени локални инфраструктурни проблеми кои претставуваат проблем во секојдневното функционирање на населбата. Една од слабостите, а воедно и стратешка цел на општина Вевчани е уредувањето на општинското земјиште, односно партерно и хортикултурно уредување на општинското земјиште на кое е планирано изградба на помали плоштади низ општината, како и уредување на јавниот простор во центарот на општината. Со цел подобрување на состојбата и уредување на неуреденото и запуштеното општинско земјиште се подготвува овој проект, кој има за цел изградба на мал плоштад СА во централното јадро на општина Вевчани. Поради рушење на претходниот дотраен објект, моментално локацијата на која се планира изградба на плоштадот е руинирана и претставува лоша слика за централниот дел од населбата. Со изградбата на плоштадот ќе се изврши комплетно партерно и хортикултурно уредување на просторот, ќе се постави урбана опрема и осветлување, ќе се изградата пристапни рампи за лица со физички хендикеп со цел решавање на проблемот со пристап до јавните институции сметени во општинската зграда која се наоѓа на самата локација на плоштадот, ќе се зголеми зелениото и јавната чистота во централниот дел од насебата, односно ќе се создаден еден современ и пријатен простор за одмор и релаксирање како за локалното население така и за големиот број на туристи кои доаѓаат да го посетат Вевчани како атрактивна туристичка дестинација во Југозападниот плански регион