ПРОЕКТ ДЕТАЛИ

Проектот предвидува изградба и реконструкција на дел од три улици во село Стојаково во Општина Богданци. Вкупната должина на улиците што се предмет на овој проект изнесува 425,64 метри, (дел од улицата Гоце Делчев во должина од 138,64 м., дел од Дваесетипетмина во должина од 153,87 м. и дел од Никола Карев во должина од 133,14 м.). Со проектот се планира довршување на улицата Гоце Делчев, и асфалтирање на дел од улиците Дваесетипетмина и Никола Карев што треба да резултира со спојување на овие две улици со главната улица Маршал Тито, и целото централно селско подрачје да се формира во завршена функционална целина.Улицата Гоце Делчев е во рамките на примарната мрежа на улици во Стојаково и преставува транзитна и собирна улица истовремено. Улицата се протега низ целото населено место од југ на влезот во Стојаково од правец од Селемли, до излезот од населбата на север према Богданци. Во рамки на проектот ИПА МСИП, на улицата Гоце Делчев, во цела должина е изведена атмосферска канализација, каде техничкото решение во најголем дел е затворен канал, и дел со отворен канал, а преку АФПЗРР истата е асфалтирана по целата должина со исклучок на 138,64 м, кои се предмет на Барањето од БРР. Со завршување на оваа преостаната должина ќе се добие целина и оваа транзитно-собирна улица ќе одговори во целост на својата намена. Улиците Дваесетипетмина и Никола Карев преставуваат сервисни улици и се во многу лоша состојба.Фекалната канализација е решена и на двете улици, а на улицата Никола Карев решена е и атмосферската канализација. Горниот слој на улиците е неасфалтиран и за време на врнежи, посебно од улицата Никола Карев наноси од песок и друг материјал се слеваат во атмосферската канализација и по изградениот дел од улицата Гоце Делчев што може да предизвика запушување на атмосферската канализација и оштетување на слојот на асфалт на улицата.